स्पार्कल कँडल बनविणाऱ्या कारखान्यात स्फोट  सहा महिलांचा जागीच मृत्यू तर दहा जण गंभीर जखमी 

 तळवडे येथील स्पार्कल कॅण्डल तयार करण्याच्या कारखान्याला स्फोट होऊन लागलेल्या आगीत सहा महीलांचा होरपळून मृत्यू झाला आहे. तर दहा लोक गंभीर जखमी असून त्यात नऊ महिला व एक पुरुषाचा समावेश आहे. घटनेची गंभीरता यावरूनच लक्षात येईल की भाजलेल्या सहा महिलांची ओळख पटवणे दुरापास्त झाले होते.

तळवडेतील ज्योतिबानगर परिसरात शुक्रवारी (ता. ८) दुपारी तीन वाजता ही दुर्घटना घडली. हा प्रकार समजताच अग्निशामक दलाच्या जवानांनी घटनास्थळी धाव घेऊन आग विझवली जखमी आणि मृत महिलांना बाहेर काढले. महापालिका आयुक्त शेखर सिंह, पोलीस आयुक्त विनय कुमार चौबे यांनी भेट देऊन घटनास्थळाची पाहणी केली.