त्या हत्या ऑनर किलिंग मधून ; मुलीच्या आंतरधर्मीय विवाहाने बाप होता नाखूश

मुंबई / नवप्रहार मीडिया

             मुलीच्या आंतरधर्मीय विवाहाने चिढलेल्या बापाने मुलगा त्याचा मित्र आणि इतर तीन अल्पवयीन मुलांच्या मदतीने मुलगी आणि जावयाची हत्या केली आहे. गुलनाज ही आरोपी गोराखान यांची मुलगी होती. तिने 2022 मध्ये करण याच्या सोबत आंतरधर्मीय विवाह केला होता. यामुळे बाप गोराखान हा गुलनाज वर संतापून होता.

योगीच्या आणि युपी पोलिसांच्या धाकाने मुंबईत आखला हत्येचा प्लॅन – आरोपी वडील गोरा खान यांनी उत्तर प्रदेश सरकार आणि योगी आदित्यनाथ यांच्या भीतीने आपली मुलगी आणि जावयाची हत्या करण्यासाठी अनेक महिने वाट पाहिली. उत्तर प्रदेशात हा गुन्हा केल्यास त्यांच्यावर तात्काळ आणि कठोर कारवाई केली जाईल आणि त्यामुळे कुटुंब आणि नातेवाईकांच्या अडचणी वाढतील अशी भीती आरोपी पिता-पुत्राच्या मनात होती. त्यामुळे आरोपी पिता आणि मुलगा या दोघांनाही उत्तर प्रदेशबाहेर इतर राज्यात नेऊन मुलगी आणि जावायाची हत्या करण्याचा कट रचला असा धक्कादायक खुलासा आरोपींनी चौकशीदरम्यान केला आहे.

असा रचला हत्येचा कट

मृत करण आणि गुलनाज यांनी नोव्हेंबर 2022 मध्ये आंतरधर्मीय विवाह केला होता. या लग्नामुळे संतापलेल्या गुलनाजचे कुटुंबीय उत्तर प्रदेशात सुमारे 5 महिने राहिले आणि नंतर एप्रिल-मे महिन्यात अचानक मुंबईत आले. या काळात गुलनाजचे कुटुंब गुलनाजच्या सतत संपर्कात होते. मुंबईत आल्यानंतर गुलनाजच्या वडिलांनी आधी मृतदेहाची विल्हेवाट लावण्यासाठी निर्जन जागा शोधली. शोध पूर्ण झाल्यानंतर आणि संपूर्ण कट रचण्यात आला. त्यानंतर नियोजनानुसार मुलगी गुलनाज आणि जावई करण यांना कामाच्या बहाण्याने मुंबईत बोलावून घेतले आणि त्यानंतर ही हत्या करण्यात आली.

14 ऑक्टोबरला सापडला तरुणाचा मृतदेह

करण रमेश चंद्र याचा मृतदेह 14 ऑक्टोबर रोजी मुंबईतील गोवंडी पोलीस स्टेशन परिसरात आढळून आला होता. त्याची हत्या करण्यात आली आल्याचा संशय पोलिसांना आला. यानंतर मुंबई पोलिसांचे झोन VI चे DCP हेमराज राजपत यांनी या प्रकरणाचा उलगडा करण्यासाठी 10 टीम तयार केल्या. पोलीस तपासादरम्यान मृत तरुण उत्तर प्रदेशचा रहिवासी असल्याचे पोलीस पथकांना आढळून आले.

पोलिसांना तरुणीच्या वडिलांवर आला संशय

या प्रकरणाचा तपास करणाऱ्या पोलिसांना करण रमेश चंद्रच्या पत्नीच्या वडिलांवर संशय आला. त्यानंतर पोलिसांनी गोरा रईसुद्दीन खान (५०) याची चौकशी केली. या चौकशीत त्याने या प्रकरणाचा खुलासा केला आहे. यानंतर पोलिसांनी गोरा रईसुद्दीन खान, त्याचा मुलगा त्याचा मुलगा सलमान गोरा खान (22), सलमानचा मित्र मोहम्मद कैफ, नौशाद खान आणि त्याच परिसरातील अन्य 3 अल्पवयीन मुलांना अटक केली आहे. याशिवाय हत्येतील इतर आरोपींनाही पोलिसांनी ताब्यात घेतले आहे. याप्रकरणी गोवंडी पोलीस ठाण्यात भादंवि कलम 302, 201 अन्वये गुन्हा दाखल करण्यात आला आहे.