यवतमाळ वार्ता
अरविंद वानखेडे
स्थानिक यवतमाळ शहर येथे लागून असलेल्या डोरली रोड येथे काल रात्री अकराच्या सुमारास तडीपारच्या कारवाईतून मुक्त मिळालेल्या त्यांच्या घराच्या परिसरात जुगार भरविल्याची माहिती पोलिसांना खबऱ्याकडून प्राप्त झाली त्या अनुषंगाने शहर पोलीस ठाण्याचे शोध पथकाचे प्रमुख यांनी त्यांच्या सहकाऱ्यासह जुगार अड्ड्यावर धाड टाकली असता, सलीम शहा उर्फ सलीम सागवान(55) यांचा मुलगा शहजादशहा सलीम शहा (32), शकील शहा (30), पत्नी रुकसाना सलीम शहा (30) यांनी पोलिसाना कार्यवाही करण्यापासून रोकण्याचा प्रयत्न केला, पोलिसांसोबत वादविवाद सुरू असताना संधीचा फायदा घेऊन, बारा जुगारी पळण्यात यशस्वी झाले. या संपूर्ण घटनेचे चित्रीकरण पोलिसांनी केले. त्यानंतर सलीम सागवान व त्यांची दोन मुले तथा पत्नी व पळून गेलेले बारा जुगारी यांच्यावर गुन्हा दाखल करण्यात आला.
