गाडी पार्किंग वरून वाद, चुलत भावाने तरुणाला संपवलं

वादाचे रूपांतर काही वेळातच भीषण हाणामारीत झाले. रागाच्या भरात बंडू जाधव याने घरातून धारदार चाकू आणला आणि गौरवच्या बरगडीत आणि बगलेत खोलवर वार केले. आपल्या मोठ्या भावाला वाचवण्यासाठी राकेश जाधव धावून आला असता, नराधम बंडूने त्याच्या पोटावरही सपासप वार केले.

मृत्यूशी झुंज अपयशी

हा हल्ला इतका भीषण होता की, गौरवचा कोथळा बाहेर आला होता. अशाही गंभीर परिस्थितीत स्वतःचा जीव वाचवण्यासाठी गौरवने हाताने जखम दाबून धरत हॉस्पिटलच्या दिशेने धाव घेतली. रस्त्यावर रक्ताचा सडा पडला होता. त्याला तातडीने नाशिक येथील रुग्णालयात हलवण्यात येत होते, मात्र वाटेतच प्रचंड रक्तस्राव झाल्यामुळे त्याची प्राणज्योत मालवली. जखमी राकेशवर सध्या उपचार सुरू आहेत.