उर्दू शाळेत शिक्षक असलेला ‘गुरुजी ‘ निघाला दहशतवादी 

नवी दिल्ली  / नवप्रहार मीडिया 

                महाराष्ट्रातील भुसावळ येथील उर्दू शाळेत ‘ गुरुजी ‘ असलेले व्यक्ती दहशतवादी असल्याचे उघड झाले आहे. तो 22 वर्षांपासून फरार होता. त्याच्यावर देशद्रोह आणि यूएपीए अंतर्गत खटला सुरू होता.  स्टुडंट इस्लामिक मूव्हमेंट ऑफ इंडिया (सिमी) या संघटनेचा तो कार्यकर्ता होता. त्याच्यावर देशद्रोह आणि यूएपीए अंतर्गत खटला सुरू होता.न्यायालयाने त्याला फरार घोषित केले होते.

मीडिया रिपोर्ट्सनुसार, दिल्ली पोलिसांनी अटक केलेल्या दहशतवाद्याचे नाव हनिफ शेख आहे. इस्लामिक मूव्हमेंट नावाच्या सिमीच्या नियतकालिकाचा तो उर्दू संपादक होता आणि आपल्या कट्टर विचारांनी गेल्या अडीच दशकात मोठ्या संख्येने मुस्लिम तरुणांना जिहादी बनवत होता. गेल्या चार वर्षांपासून त्यांचा शोध सुरू होता.

दिल्ली पोलीस हनिफ शेखला अटक करण्यासाठी देशातील अनेक ठिकाणी गेले होते आणि त्याच्याविषयी माहिती गोळा करत होते. त्याला पकडण्याचा प्रयत्न केला असता तो सध्या महाराष्ट्रातील भुसावळ येथे असल्याची माहिती दिल्ली पोलिसांना मिळाली. हनिफ येथील एका उर्दू शाळेत शिकवत होता आणि त्याचवेळी त्याने आपले नाव हनिफ हुदाईवरून बदलून मोहम्मद हनीफ केले होते.

हनीफला पकडण्यासाठी दिल्ली पोलिसांनी भुसावळला एक पथक रवाना केले होते. ही टीम सातत्याने येथे माहिती गोळा करत होती. एके दिवशी त्याने सापळा रचून हनिफला पकडले. हनिफनेही पोलिसांच्या तावडीतून सुटण्याचा प्रयत्न केला मात्र तो यशस्वी होऊ शकला नाही.

हनिफविरोधात 2001 मध्ये यूएपीए आणि इतर कलमांखाली गुन्हा दाखल करण्यात आला होता. सप्टेंबर 2001 मध्ये दिल्लीतील जामिया नगरमध्ये सिमीचे दहशतवादी पत्रकार परिषद घेत होते. दिल्ली पोलिसांनी येथे छापा टाकला तेव्हा बहुतेक लोक पळून गेले. पत्रकार परिषदेतून मुस्लिमांना दहशतवादाच्या मार्गावर नेणारे साहित्य मोठ्या प्रमाणात जप्त करण्यात आले. येथून पळून गेलेल्यांमध्ये हनिफ शेखचाही समावेश होता. तेव्हापासून शोध सुरू होता.

दिल्ली पोलिसांनी पकडलेला हनिफ शेख हा सिमीच्या थिंक टँकचा एक भाग होता. तो सध्या वाहदत-ए-इस्लाम नावाची इस्लामिक संघटना वाढवत होता. देणग्या मागून दहशतवादी कारवायांसाठी निधी पुरवण्यातही त्याचा सहभाग होता. आता पोलीस त्याची कसून चौकशी करत असून त्याचा दहशतवादी संघटनांशी संबंध शोधण्याचा प्रयत्न करत आहेत. आता त्याला वेगवेगळ्या राज्यात चौकशीसाठी नेण्यात येणार असल्याचे पोलिसांचे म्हणणे आहे.