अन कासव पुन्हा जिंकले 

     सोशल मीडियावर अनेक व्हिडीओ व्हायरल होत असतात. त्यात काही हिंस्त्र पशूंचे देखील असतात.या हिंस्त्र पशुत मागरीचाही समावेश आहे. मगर हा शक्तिशाली प्राणी आहे. त्याच्या तावडीत जर का कोणी एकदा सापडले तर त्या तावडीतून निसटने फार कठीण होऊन बसते. म्हणूनच ‘ मगर मिठी ‘ हा वाक्यप्रचार गयार झाला आहे.

 वाघ, सिंह, बिबट्या असे प्राणीही जेव्हा पाणी प्यायला जातात तेव्हा ते मगरीच्या भीतीने सावधपणे पाणी पितानाही दिसतात. पण अशाच मगरीच्या समोर अगदी बिनधास्तपणे गेलं ते एक कासव कासव आणि मगरीचा हा व्हिडीओ सोशल मीडियावर जबरदस्त व्हायरल होतो आहे. एका कासवाने चक्क मगरीसमोर जाण्याची डेअरिंग केली. आता कासव स्वत:हून मगरीसमोर जाणं म्हणजे मृत्यूच्या दारात गेल्यासारखंच आहे. पण इथं मात्र उलटंच घडलं. कासव मगरीजवळ गेलं आणि असं काही घडलं की जे पाहून आपला आपल्या डोळ्यांवरही विश्वास बसत नाही. कासवाने मगरीसोबत जे केलं आणि त्यानंतर मगरीने जी प्रतिक्रिया दिली ते पाहून असंही घडू शकतं, याचा विचार आपण स्वप्नातही करू शकत नाही.

या व्हिडिओमध्ये एक महाकाय मगर कासवाची शिकार करण्याचा प्रयत्न करत आहे. पण कासव आपला जीव वाचवण्यासाठी मगरीच्या तावडतून पळून जाण्यात यशस्वी होतो. या घटनेचा व्हिडिओ सोशल मीडियावर मोठ्या प्रमाणात व्हायरल होत आहे.

व्हायरल होत असलेल्या या व्हिडिओमध्ये कासवाला तोंडात अडकवण्यात मगरी यशस्वी झाल्याचे दिसत आहे. पण मगर जास्त वेळ कासव तोंडात पडू शकला नाही. यानंतर कासव कसा तरी जीव वाचवण्यासाठी मगरीपासून पळून जातो. दरम्यान, जीवन-मरणाच्या लढाईतही कासव जिंकले आहे. हा व्हिडिओ सोशल मीडिया प्लॅटफॉर्म एक्सवर @AMAZlNGNATURE हँडलसह शेअर करण्यात आला आहे. हा व्हिडिओ आतापर्यंत १९ लाखांहून अधिक लोकांनी पाहिला आहे. त्याचबरोबर दोन हजारांहून अधिक लोकांनी यावर आपल्या प्रतिक्रिया दिल्या आहेत. असा व्हिडिओ समोर येण्याची ही काही पहिलीच वेळ नाही.व्हिडिओ पाहिल्यानंतर अनेक युजर्सनी आश्चर्य व्यक्त केले.

व्हायरल व्हिडिओवर युजर्सच्या प्रतिक्रिया

व्हायरल झालेल्या व्हिडिओवर लोक आपल्या प्रतिक्रिया देत आहेत. एका यूजरने लिहिले की, ‘कासव खूप हुशार निघाले.’ दुसऱ्या युजरने लिहिले की, ‘मगर खूप आळशी दिसत होती.’ त्याचवेळी दुसऱ्या युजरने लिहिले, ‘अखेर कासवाचा विजय झाला.’