राजेश सोनुने पुसद तालुका प्रतिनिधी
पुसदः उस्मानाबाद जिल्ह्यात दि. ९ व १० तारखेला समुद्राळ येथे स्कील डो मार्शल आर्ट राज्यस्तरीय स्पर्धेचे आयोजन करण्यात आले होते. या स्पर्धेत महाराष्ट्र राज्यातून बन्याच जिल्ह्यांनी आपला सहभाग नोंदविला होता. या स्पर्धेचे उ‌द्घाटन आमदार ज्ञानराज चौगुले व पोलिस निरिक्षक अजीत चितळे यांच्या हस्ते करण्यात आले. यावेळी ग्रॅण्डमास्टर डॉ. संभाजी मस्के, नेशन स्किलडो फेडरेशनच्या सचिव सृष्टी ढोंबरे, प्रदेशाध्यक्ष कृष्णा मेरगु उपस्थित होते. स्पर्धेत यवतमाळ जिल्ह्याने सहभाग नोंदवून प्रथम पुरस्कार मिळविला. या स्पर्धेत फाईट प्रकारात समर गायकवाड, आर्यन नेटके, आर्यन घोटकर, उदय भालेराव, कु. स्वरा सावंत, कु. मिरा सावंत, कु.
गुंजन घोटकर, कु. प्रगती रणवीर, कु. प्राची रणवीर, कु. संजना जयस्वाल यांनी सुवर्ण पदक मिळविले तर सर्वेक्ष भालेराव, कु. त्रुप्ती बेंद्रे यांनी रज्जत पदक मिळविले. व संकेत सहातोंडे यांनी कास्य पदक मिळविले. पदक मिळवून यवतमाळ जिल्ह्यास प्रथम पुरस्कार मिळवून दिला. खेळाडू आपल्या यशाचे श्रेय आणि वडीलांना व मुख्य प्रशिक्षक संतोष कांबळे यांना देतात. शिवराज कांबळे, आकाश मेश्राम, यल्लाया मदी तसेच स्कीलडो मार्शल आर्ट असोशिएशन यवतमाळ जिल्हा अध्यक्ष सुरेशराठोड व उपाध्यक्ष गजानन मस्के, तसेच पालकवर्ग नितीन सावंत, सावंत पाटील मानोरा, घोटकर यांनी यशस्वी खेळाडूंचे हार्दिक अभिनंदन करून पुढील स्पर्धेकरिता शुभेच्छा दिल्या.
