पत्नीने  मुलगी आणि तिच्या प्रियकराच्या मदतीने केली पतीची हत्या

हत्या करण्यापूर्वी मायलेकीने पाहिल्या अनेक क्राईम वेब सिरीज

मृतदेह एक दिवस घरी ठेवून दुसऱ्या दिवशी पेट्रोल टाकून जाळला. 

पोलिसांनी ठोकल्या तिघांना बेड्या

पुणे / नवप्रहार न्यूज नेटवर्क

            शिक्षणाचे माहेरघर म्हणून ख्याती असलेले पुणे शहर मागील काही काळात याठिकाणी सतत घडणाऱ्या क्राईम घटनेमुळे क्राईम नगरी म्हणून ओळखल्या जातात आहे. नुकत्याच घडलेल्या एका घटनेने पुन्हा शहराचे नाव बदनाम झाले आहे.येथे पत्नीने मुलगी आणि तिच्या प्रियकराच्या मदतीने पतीची हत्या करत मृतदेह रॉकेल टाकून जाळला. पण पोलिसांच्या तंत्रशुद्ध तपासामुळे पोलिसांनी त्यांना बेड्या ठोकल्या.

नेमकं काय घडलं  – पुण्यात नात्याला काळीमा फासणारी घटना पुणे जिल्ह्यातील शिक्रापूर या ठिकाणी ही घटना घडली आहे. अल्पवयीन मुलीचं अफेयर लपवण्यासाठी आणि स्वतःच्याही प्रेम संबंधामध्ये अडथळा न येण्यासाठी आईनेच मुलीच्या प्रियकराच्या मदतीने नवऱ्याची हत्या केली. पतीचा खून करत पुरावे नष्ट करण्यासाठी मृतदेह पेट्रोल टाकून जाळला. धक्कादायक बाब म्हणजे आई आणि मुलीनं हत्या करण्याआधी काही क्राईम वेब सिरिजही पाहिल्या. त्यानंतर त्यांनी प्लॅन करुन हत्या केली.

मुलीच्या  अफेयर प बापाचा होता विरोध-  सॅन्ड्रा लोबो आणि जॉय लोबो हे पतीपत्नी असून त्यांना 17 वर्षाची अल्पवयीन मुलगी आहे. या मुलीचे ॲग्नैल कसबे नावाच्या मुलांसोबत प्रेमसंबंध होते. अल्पवयीन मुलीचे प्रेमसंबंध असल्याचं पती जॉय लोबोला कळल्यावर त्यांचा घरात वाद होऊ लागले. त्याने पत्नी, मुलगी आणि तिचा प्रियकर या तिघांना मारहाणही केली होती. त्यावरून जॉय लोबो याचा तिघांनी मिळून त्याला संपवायचं ठरवलं.

क्राईम वेब सीरिज पाहून केला खून – मिळालेल्या माहितीनुसार, अल्पवयीन मुलगी सॅंड्राचे प्रेमसंबध असल्याची बाब मृत जॉन्सन लोबोला मान्य नव्हती. यावरुन तिघांमध्ये नेहमी खटके उडत. अनेकदा वाद वाढत जाऊन जॉन्सनने आई आणि मुलीला मारहाणही केली होती. त्यामुळे सततच्या मारहाणीला कंटाळून आई आणि मुलीने जॉन्सन लोबोची हत्या केली. हत्या करण्यापुर्वी मायलेकीनेवेगवेगळ्या क्राईम वेब सिरीज पाहून कट रचला आणि खून केला. मुलीच्या बॉयफ्रेंडच्या मदतीने आधी घरात चाकूने खून केला आणि एक दिवस घरातच मृतदेह ठेऊन दुसऱ्या दिवशी रात्री सणसवाडीला नेऊन पेट्रोल टाकून पेटवून दिला.

दरम्यान, पोलिसांना जळालेल्या मृतदेहाचा तपास केल्यानंतर सीसीटीव्हीच्या मदतीने हा गुन्हा उघडकीस आणला. आरोपी पत्नी ही पतीचा खून केल्यावर ही नातेवाईकांना संशय येऊ नये म्हणून रोज त्याच्या फोनवरून स्टेटस अपडेट करत होती. या प्रकरणी आता आई आणि तिच्या मुलीच्या बॉयफ्रेंडला अटक करण्यात आली आहे. या प्रकरणाची परिसरात एकच चर्चा होत आहे.