मेरठ / नवप्रहार डेस्क
उत्तर प्रदेश क्या मेरठ येथे मनाचा थरकाप उडवणारी घटना घडली आहे. आपल्या पसंतीच्या मुलाशी लग्न करणाऱ्या बहिणीची भावाने भर रस्त्यात गळा दाबून हत्या केली. मुख्य म्हणजे बहिण जिवाच्या आकांताने जीव वाचवण्यासाठी ओरडत होती. मुख्य म्हणजे कोणीही तिला वाचवायला गेला नाही. उलट उपस्थित घटनेची रिल बनवत होते. हसीन असे त्या क्रूर भावाचे (आरोपी) नाव आहे.
त्याने आधी त्याच्या 16 वर्षांच्या बहिणीला रस्त्याच्या मधोमध पकडले आणि नंतर तिचा गळा दाबून खून केला. यावेळी तेथे अनेक लोक उपस्थित होते, जे त्याचा व्हिडिओ बनवत होते, परंतु कोणीही त्या मुलीचा जीव वाचवला नाही. पोलिसांनी आरोपीला अटक करून त्याची कारागृहात रवानगी केली आहे. ही घटना इंचोली पोलीस ठाण्याच्या हद्दीतील नांगला शेखू गावात घडली, जिथे हसीन (26) नावाच्या तरुणाने आपली लहान बहीण अमृषा (16) हिचा चौरस्त्यावर गळा दाबून खून केला. अमरिशाने स्वतःला वाचवण्याचा प्रयत्न केला, पण ती तिच्या भावाच्या मजबूत पकडीतून सुटू शकली नाही.
यावेळी ती मुलगी मदतीची याचना करत होती, मात्र त्या निरागस मुलीचा जीव वाचवणारा कोणीही उपस्थित गर्दीत सापडला नाही. यापेक्षा लाजिरवाणी गोष्ट म्हणजे काही लोक हत्येचा व्हिडिओ बनवण्यात व्यस्त होते. पीटीआय या वृत्तसंस्थेने दिलेल्या माहितीनुसार, नांगला शेखू गावातील रहिवासी जुम्मन उर्फ शहजाद यांची 16 वर्षीय मुलगी अमरिशाचे दुसऱ्या समुदायातील तरुणासोबत प्रेमसंबंध होते. काही दिवसांपूर्वी ती तरुणासोबत पळूनही गेली होती, त्यानंतर अमरिशाच्या कुटुंबीयांनी त्या तरुणाविरुद्ध अपहरणाचा गुन्हा दाखल करून त्याची तुरुंगात रवानगी केली होती, मात्र अलीकडेच त्याची जामिनावर सुटका झाली होती. तेव्हापासून अमरिशा तिच्या प्रियकरासोबत राहण्यावर ठाम होती. या प्रकरणावरून गेल्या काही दिवसांपासून घरात वाद सुरू होता.
बुधवारी सकाळी आई वडिलांसह संपूर्ण कुटुंब कामावर गेले असताना मुलीच्या मागणीमुळे मोठा भाऊ हसीनचा राग वाढला. यानंतर दोघांमध्ये हाणामारी झाली. रागावलेल्या अमरीशा घरातून बाहेर पडू लागल्यावर हसीनने तिला मध्येच पकडले. आणि गळा दाबून खून केला. घटनास्थळी डझनभर लोकांचा जमाव उपस्थित होता, मात्र अमरिशाला कोणीही वाचवले नाही. हत्येनंतर आरोपी भाऊ हसीन मृतदेहाजवळ बसून रडत राहिला.मृत तरुणाच्या आईच्या तक्रारीवरून इंचोली पोलिसांनी तिचा मुलगा हसीन याच्याविरुद्ध खुनाचा गुन्हा दाखल केला आहे. मृताचे वडील बँडच्या दुकानात काम करतात. त्याला आठ मुले आहेत. मोठा मुलगा हसीन हा गाझियाबादमधील एका खासगी कंपनीत काम करतो. खुनी भावाच्या पश्चात पत्नी व दोन मुले आहेत.
