डॉक्टरने महिलेचा केला विनयभंग ;” गुन्हा दाखल 

जळगाव / नवप्रहार मीडिया

               उपचारासाठी डॉक्टर कडे आलेल्या महिलेचा डॉक्टर ने विनयभंग केल्याची घटना अमळनेर येथे घडली आहे. महिलेच्या तक्रारीवरून डॉक्टर वर विनयभंग आणि ॲट्रॉसिटीचा गुन्हा दाखल करण्यात आला आहे.या घटनेने वैद्यकीय क्षेत्रात खळबळ माजली आहे.

 या प्रकरणात हाती आलेल्या माहिती नुसार पीडित महिलेचं सातत्याने पोट दुखत असल्याने महिलेनं धुळे येथील एका रुग्णालयात तपासणी केली. यावेळी अपेंडिक्स असल्याचं निदान करण्यात आलं. त्यामुळे याबाबत उपचारासाठी महिला अमळनेर येथील डॉ. अनिल शिंदे यांच्या नर्मदा हॉस्पिटलमध्ये गेली होती.

पीडित महिला तपासणी करण्यासाठी आली असता तपासणी करण्याच्या बहाण्याने डॉक्टर अनिल शिंदे यांनी विनयभंग केला, असा आरोप पीडित महिलेनं केला आहे.पोलीस तक्रारीत महिलेनं आपला विनयभंग झाला असल्याचं सांगितलं आहे. महिलेच्या तक्रारीवरून अमळनेर पोलिसात रात्री उशिराने डॉक्टर अमोल शिंदेंच्या विरोधात विनयभंगासह ॲट्रॉसिटीचा गुन्हा दाखल करण्यात आला आहे.. या घटनेमुळे जिल्ह्यात वैद्यकीय क्षेत्रात खळबळ उडाली आहे.