धक्कादायक …. बाजार समितीतूनच केली जात होती बोगस खत विक्री 

भंडारा / विशेष प्रतिनिधी

             सत्तेवर आलेले  शेतकऱ्यांचे जीवनमान उंचावण्यासाठी प्रयत्न करत असल्याचा किंवा करणार असल्याचा दावा अथवा घोषणा करत असले तरी ती घोषणा हवेतच विरते. कारण शेतकऱ्यांच्या उत्पन्नाला हमी देण्याचा विषय असो, बँकेतून कर्ज  देण्याचा , अथवा उच्च प्रतीच्या बियाण्याचा किंवा खतांचा प्रत्येक ठिकाणी त्यांची पिळवणूकच होते. उरलीसुरली कसर निसर्गाचा लहरीपणा पूर्ण करतो. त्यामुळे शेतकरी गरिबीतच जन्मतो, गरिबीतच जगतो आणि गरिबीतच मरतो.

                   ज्या बाजार समितीवर शेतकऱ्यांना मदत करण्याची जबाबदारी आहे. त्याच बाजार समितीतून शेतकऱ्यांना बोगस खत विकल्या जात असल्याचा धक्कादायक प्रकार  भंडारा जिल्ह्यात समोर आला आहे.  बोगस खतांची विक्री करून शेतकऱ्यांची फसवणूक करण्याचा एका बाजार समितीचा कट कृषी विभागाच्या गुणवत्ता नियंत्रण अधिकाऱ्यांनी भंडाऱ्यात उधळून लावला. या प्रकारानंतर एकच खळबळ उडाली आहे.