पैश्याच्या वादातून युवकावर सशस्त्र हल्ला ; युवकाचा मृत्यू 

घटनेबाबत अधिक माहिती अशी की,  गोंदिया शहरातील रामनगर पोलीस ठाण्यांतर्गत येणाऱ्या कुडवा येथील एमआयटी कॉलेज जवळ एक 30 वर्षीय तरुणावर पैशांच्या वादातून 5 लोकांनी कुऱ्हाड, कोयता, लोखंडी रॉड, तसेच काठीने हल्ला केला. या हल्ल्यात गंभीर जखमी झालेल्या तरुणाचा जागीच मृत्यू झाला. मनीष उर्फ ईश्वर भालाधरे वय 30 वर्ष रा. कुडवा असे  या तरुणाचे नाव आहे.

तर  संतोष मानकर वय 50 वर्ष, लकी उर्फ लोकेश मानकर वय 21 वर्ष, पवन मानकर वय 23 वर्ष, तुषार हट्टेवार वय 19 वर्ष आणि जॉर्डन शेंडे वय 20 वर्ष सर्व रा. कुडवा असे आरोपींची नावं आहेत.  या सर्व आरोपींनी मिळून मनीषवर हल्ला केला. त्याची हत्या करण्यात आली.  5 आरोपींपैकी एका आरोपीला रामनगर पोलिसांनी ताब्यात घेतलं आहे. फरार आरोपींचा शोध सुरू असल्याची माहिती पोलिसांकडून देण्यात आली.