प्रेयसीला मित्राच्या खोलीवर पाहून संतापलेल्या प्रियकराच्या मारहाणीत युवकाचा मृत्यू

प्रेमप्रकरणातून झाला खून
आरोपींनी पोलिसांना सांगितलं, की हेमंत यादवची एका अल्पवयीन मुलीशी मैत्री होती. हेमंतने त्या मुलीला सोमवारी रात्री हमलापूरमधल्या पंकज यदुवंशीच्या खोलीत पकडलं होतं. त्यानंतर हेमंतने त्याचा मित्र देवेंद्रला बोलावून पंकजला माचना नदीच्या काठावर नेऊन मारहाण केली. त्यानंतर तो मेला असं समजून त्याला सोडून ते दोघेही निघून गेले. त्यांनी पंकजचा मोबाइलही नदीकाठी फेकून दिला. पंकज घटनास्थळापासून काही अंतरावर चालला आणि तो पडला असेल आणि त्याचा मृत्यू झाला, अशी शक्यता पोलिसांनी व्यक्त केली. आरोपीच्या सांगण्यावरून पोलिसांनी घटनास्थळाहून मृताचा मोबाइल जप्त केला.पोलिसांनी दोन्ही आरोपींना अटक करून त्याची रवानगी तुरुंगात केली आहे.