सहा.वाहतूक निरीक्षक कांबळे विरोधात कर्मचारी लामबंद ; कारवाईची मागणी 

तसेच श्री दिनेश कांबळे हे कामगारांची कामगिरी लावताना एखाद्या कामगाराची रजा असून सुद्धा त्या कामगाराची कामगिरी लावुन व रोजंदारी चालक कम वाहक यांना कामगिरी न देता काही कामगारांना डबल ड्युटी देऊन आपल्या कामगिरीमध्ये हेतुपुरेस्पर हलगर्जीपणा करतात. उदा. दि ३ डिसेंबर २०२२ रोजी चालक श्री. निवल यांची रजा असून सुद्धा त्यांची कामगिरी नियत क्र. २२ वर लावण्यात आली होती. त्या दिवशी नियत क्र. २२ वर वेळेवर दुसरा चालक न मिळाल्याने १३.३० ची घुईखेड चांदुर रेल्वे ते घुईखेड व १५.३० ची चांदुर रेल्वे ते वाई बोथ ही फेरी रद्द करण्यात आली व १८.३० च्या चांदुर रेल्वे घुईखेड फेरीवर डबल ड्युटी मध्ये चालक पाठवावा लागला. याबतीत रा.प. मधील एका संघटनेने दि. ०५/०४/२०२३ रोजी आपणाकडे रीतसर तक्रार सुद्धा केली आहे. दि. २०/१२/२०२३ रोजी चालक कम वाहक यांना कामगिरी न देता त्या दिवशी काही चालकांना डबल ड्युटीवर पाठविण्यात आले. तसेच डिसेंबर २०२३ या महिन्यामध्ये

अनेक रोजंदारी चालक कम वाहक यांना २६ दिवस कामगिरी मिळाली नाही, पण अनेक चालक/वाहक डबल ड्युटीवर गेलेले आहे. त्यांचे असे कृत्य रा.प च्या हिताचे नसून यामुळे रा.प. चे आर्थिक नुकसान होऊन विद्यार्थी व प्रवाश्यांना त्रास होऊन जनमानसात रा.प. ची प्रतिमा मलिन होत आहे. ही गंभीर बाब असून याकडे रा.प. प्रसासनने लक्ष देणे गरजेचे आहे.

तसेच श्री. दिनेश कांबळे यांची मार्ग तपासणीमध्ये जाण्याची खूप ईच्छा असून त्यांची अशी धारणा आहे की, जर कामगारांनी आपली तक्रार केली तर आपली बदली मार्ग तपासणी पथकामध्ये होईल. कारण त्यांनी अनेकदा कामगाराजवळ असे म्हटले आहे की, मला लाईन चेकिंग मध्ये जायचं आहे, माझी तक्रार करा. म्हणून मार्ग तपासणी मध्ये

जाण्यासाठी ते जाणूनबुजून असे करत तर नसेल ना? असा प्रश्न उपस्थित होतो. तरीही वरील प्रकरणाची चौकशी करून सहाय्यक वाहतूक निरीक्षक श्री दिनेश कांबळे यांना रा.प. च्या नियमानुसार कारवाही करून कर्मचार्यांना न्याय देण्यात यावा अशी मागणी केली आहे.