डॉ. शिलवंतकुमार मडामे डॉ. बाबासाहेब आंबेडकर राष्ट्रीय पुरस्काराने सन्मानित.
डॉ. शिलवंतकुमार मडामे डॉ. बाबासाहेब आंबेडकर राष्ट्रीय पुरस्काराने सन्मानित.
*साहित्यिक, सामाजिक व सांस्कृतिक कार्याचा गुणगौरव**
जवाहरनगर:-जागतिक आंबेडकरवादी साहित्य महामंडळाच्या अनुषंगाने विदर्भ हिंदी साहित्य संमेलन,मधुरम सभागृह नागपूर येथे संपन्न झालेल्या जागतिक आंबेडकरवादी साहित्य महामंडळाच्या
नवव्या वर्धापनदिनी साहित्यिक,कवी, प्रबोधनकार, नाट्यअभिनेते प्रा.डाॅ. शिलवंतकुमार मडामे यांच्या साहित्यिक, सामाजिक, शैक्षणिक व सांस्कृतिक कार्याची दखल घेऊन सुप्रसिद्ध साहित्यिक व समिक्षक डॉ.श्रीपाल सबनीस यांचे हस्ते त्यांना प्रशस्तीपत्र व सन्मानचिन्ह बहाल करून डॉ. बाबासाहेब आंबेडकर राष्ट्रीय पुरस्काराने सन्मानित करण्यात आले.
उपरोक्त पुरस्कार वितरण समारंभाला जागतिक आंबेडकरवादी साहित्य महामंडळाचे अध्यक्ष, डॉ. बाबासाहेब आंबेडकर महाविद्यालय दीक्षाभूमीचे मराठी विभाग प्रमुख डॉ.दिपककुमार खोब्रागडे अध्यक्ष म्हणून लाभले होते.
तर अतिथींच्या स्थानी डॉ.के.पी.वासनीक दिल्ली,महेश चौगुले कर्नाटक, डॉ.जगन कराडे कोल्हापूर, मधुकर वानखेडे दिल्ली व नामवंत किर्तीचे साहित्यिक उपस्थित होते.
या साहित्य महामंडळाने जागतिक पातळीवर दोन साहित्य संमेलने थायलंड व मलेशिया या देशात घेतले हे तितकेच उल्लेखनीय.
डॉ. बाबासाहेब आंबेडकर राष्ट्रीय पुरस्काराने डाॅ. शिलवंतकुमार मडामे यांना सन्मानित केल्यामुळे साहित्यिक, सामाजिक, शैक्षणिक व सांस्कृतिक चळवळीतील चाहत्यांनी त्यांचे अभिनंदन केले आहे.
कार्यक्रमाचे सूत्रसंचालन डॉ.अनिल काळबांडे यांनी तर आभार सुजित कुमार मुरमाडे यांनी व्यक्त केले.
