प्रेमाची शिक्षा इतकी भयानक की गर्भवती महिलेला निर्वस्त्र करून गावभर धिंड काढली 

प्रतापगड / नवप्रहार मीडिया

                 प्रतापगड जिल्ह्यातील धारियावाड जवळील पहाडा गावातून एक लज्जास्पद आणि घृणास्पद प्रकार उघडकीस आला आहे. येथे आपल्या प्रियकरासोबत पळून जाणाऱ्या महिलेला महिलेच्या नवरा आणि इतर मंडळीने पकडून तिला गाडीवर बसवून आणले .आणि तिला निर्वस्त्र करत गावभर तिची धिंड काढण्यात आली. या घटनेचा व्हिडीओ देखील व्हायरल झाला आहे. महिलेच्या तक्रारीवरून तिच्या पतीसह 10 लोकांवर गुन्हा दाखल झाला आहे.

आरोपी तिला बाईकवर बसवून घेऊन गेले आणि नंतर तिला निर्वस्त्र करून धिंड काढण्यात आली , असे महिलेने तक्रारीत म्हटले आहे.पीडित महिलेने तिचा पती आणि त्याचे सहकारी सूरज, वेनिया, नेतिया, नाथू, महेंद्र यांच्या विरोधात तक्रार दाखल केल्याचे पोलिसांनी सांगितले. अखेर याप्रकरणी पोलिसांनी मुख्य आरोपी, पीडितेचा नवरा, तसेच इतरांसह एका अल्पवयीन मुलाला देखील अटक केली.

पोलिसांच्या धरपकडीदरम्यान मुख्य आरोपी कान्हा याच्यासह आणखी दोघे जण जखमी झाले आहेत. त्यांच्यावर जिल्हा रुग्णालयात उपचार सुरू आहेत. इतर आरोपींचा अद्याप शोध सुरू असल्याचे पोलिसांनी नमूद केले. पोलिसांच्या तावडीतून पळून जाण्याच्या प्रयत्नात असणाऱ्या मुख्य आरोपीचा पाय मोडला आहे. तो पीडितेचा नवरा आहे.

प्रतापगड जिल्ह्यातील एका गावात २१ वर्षीय महिलेला विवस्त्र केल्याचा व्हिडिओ सोशल मीडियावर व्हायरल झाला होता. तेथे गरोदर महिलेला नग्न करून गावभर फिरवण्यात आले. त्या घटनेचा व्हिडीओ व्हायरल झाला असून, त्यामध्ये दुर्दैवी महिला, रडत विव्हळत असल्याचे दिसत होते. या महिलेचा पती आणि कुटुंबीयांनीच तिला विवस्त्र करून मारहाण केली. या घटनेचा व्हिडीओ व्हायरल झाल्यावर एकच गदारोल माजला होता. अखेर पोलिसांनी मुख्य आरोपीला अटक केली आहे.

मुख्यमंत्र्यांनी दिले कडक कारवाईचे आदेश

या प्रकरणी कडक कारवाई करण्यात येईल, असे आश्वासन राजस्थानचे मुख्यमंत्री अशोक गेहलोत यांनी दिले. दोषींवर जलदगती न्यायालयात खटला चालवला जाईल, असे ते म्हणाले.

हा आहे प्रकार –

हा घृणास्पद प्रकार प्रतापगड जिल्ह्यातील धारियावाड शहरातील पहाडा गावात घडला. पीडत महिलेचे वर्षभरापूर्वी लग्न झाले होते. मात्र तिचे दुसऱ्या तरूणावर प्रेम होते. चार-पाच दिवसांपूर्वी पीडित महिला तिच्या प्रियकरासोबत पळून गेली होती. मात्र तिच्या घरच्यांना हे कळताच त्यांनी तिचा पाठलाग करून तिला पकडले आणि गावी आणले. नंतर तिला निर्वस्त्र करून गावभर धिंड काढण्यात आली.