मोबाईल टावरच्या बॅटरी व कार्ड चोरणारी टोळी गजाआड 

अमरावती / प्रतिनिधी

               ग्रामीण भागातील मोबाईल टॉवर च्या बॅटरी आणि कार्ड चोरीच्या प्रमाणात वाढ झाल्याने एसपी अविनाश बारगळ यांनी  अश्या घटनांना आळा बसावा यासाठी या प्रकरणातील आरोपीना शोधुन काढण्याचे सर्व पोलीस स्टेशन, प्रभारी अधिकारी, अमरावती ग्रा. तसेच स्थानिक गुन्हे शाखा येथील सर्व पोलीस अधिकारी व अमंलदार यांना आदेश दिले होते.

.

दि. १३/०४/२०२३ रोजी स्थानिक गुन्हे शाखेचे पथक अचलपुर उप विभागात गस्त करित असतांना गोपनिय माहीती प्राप्त झाली की, आरोपी नामे अ. आरीफ शे तुराब, वय ४८ रा. खोमई, ता. भैसदेह, जि. बैतुल व त्याचे इतर साथीदार वसीम शहा लुकमान शहा, इकबाल कॉलनी, अमरावती

 (फरार) ,नितीन रामभाऊ श्रीराव, रा. पाळा (मोर्शी) , आनंद पतिराम काळे, रा. पाळा (मोर्शी) हे मोबाईल टावर बटरी चोरीचे गुन्हे करित असुन सध्या ते गुन्हा करण्याचे तयारीत आहेत. प्राप्त माहीतीची शहानिशा करून पथकाने ग्राम शिरजगांव (क) बस स्टॅन्ड जवळ सापळा रचुन शिताफीने वर नमुद आरोपीतांना अटक केली आहे.

सदर आरोपीतांना टावर बॅटरी चोरीच्या गुन्हयांचे अनुषंगाने विचारपुस केली असता प्रथम त्यांनी टाळाटाळ केली, परंतु पोलीसी खाक्या दाखवीताच त्यांनी अमरावती ग्रामिण हद्दीतील १) पो.स्टे. तिवसा – ०१ २) पो.स्टे. कु-हा-०९ ३) पो.स्टे. चांदुर बाजार – ०२४) पो.स्टे. वरूड ०१५) पो.स्टे. मंगरूळ – ०१ ६) पो.स्टे. नांदगांव खं. ०१ अश्या एकुण ०७ मोबाईल टावरच्या बॅटरी चोरीच्या गुन्हयांची कबुली दिली आहे. आरोपीतांचे ताब्यातुन चोरीचे गुन्हया करिता वापरण्यात येणारी इनोव्हा चारचाकी वाहन किं. अं. ९,००,०००/- रू. ची जप्त करण्यात आली असुन आरोपी हे रेकार्ड वरील गुन्हेगार असुन त्यांचेवर यपुर्वी सुध्दा चोरीचे गुन्हयांची नोंद आहे.

यातील फरार आरोपी क्रं. ०३ हा चोरीच्या गुन्हयातील बॅटरी व कार्ड आरोपीतांकडुन कमी किमतीत विकत घेवुन दिल्ली व इतर ठिकाणी विक्री करीता घेवुन जात असल्याचे निष्पन्न झाले आहे. सदर आरोपीचा कसून शोध घेण्यात येत आहे. अटक आरोपी सद्यस्थिती पो.स्टे. तिवसा यांचे ताब्यात देण्यात आले असुन पुढील तपास तिवसा पोलीस करित आहे.

सदरची कार्यवाही मा. श्री. अविनाश बारगळ, पोलीस अधिक्षक, अमरावती ग्रा. श्री. शशिकांत सातव, अपर पोलीस अधिक्षक, अमरावती ग्रा., यांचे मार्गदर्शनात श्री. तपन कोल्हे, पो. नि. स्था. गु.शा, अमरावती ग्रा यांचे नेतृत्वातील स.पो.नि. रामेश्वर धोंडगे,पो.उप.नि.तसलीम शेख, पोलीस अमंलदार दिपक उईके, युवराज मानमोठे, स्वप्नील तंवर, रविंद्र व-हाडे, अजमत सागर नाठे, सचिन मिश्रा महीला पो. अमंलदार वृषाली वाळसे, अंजली आरके यांचे पथकाने केली आहे.