मोर्शीच्या अपूर्ण प्रकल्पांना गती देण्यासाठी गडकरींकडून सकारात्मक आश्वासन

मोर्शीच्या विकासासाठी ठोस पावले: गडकरी – यावलकर यांच्यात सविस्तर चर्चा

वरुड / प्रतिनिधी :

दिनांक 18 जानेवारी 2025 रोजी, केंद्रीय रस्ते व परिवहन मंत्री आदरणीय नितीनजी गडकरी साहेब यांची भेट घेऊन आमदार उमेश उर्फ चंदु यावलकर यांनी मोर्शी मतदारसंघातील विविध विकासकामांबाबत सविस्तर चर्चा करण्यात आली. या बैठकीत मोर्शी मतदारसंघातील अपूर्ण रस्ते, पायाभूत सुविधा व निंभी टोल संदर्भात, तसेच प्रलंबित प्रकल्पांना गती देण्यासाठी त्वरित निर्णय घेण्याची विनंती करण्यात आले. विकासकामांना प्राधान्य देत नागरिकांना दिलासा मिळावा, या उद्देशाने ठोस चर्चा झाली. गडकरी साहेबांनी प्रकल्पांना गती देण्यासाठी सकारात्मक आश्वासन दिले असून लवकरच यावर निर्णय अपेक्षित आहे. मोर्शी मतदारसंघाच्या विकासासाठी हा महत्त्वाचा टप्पा ठरणार आहे.