जरीपटका येथे चालणाऱ्या सेक्स रॅकेट चा पोलिसांनी केला पर्दाफाश

नागपूर / जरीपटका क्षेत्रातील हुडको कॉलनी येथे चालणाऱ्या सेक्स रॅकेट चा पोलिसांनी पर्दाफाश केला असून एका अल्पवयीन मुक्तीची सुटका करत अल्पवयीन मुलींना या व्यवसायात ओढणाऱ्या दोन महिलांना पिटा आणि पोकसो कायद्या अंतर्गत अटक केली आहे.

हुडको कॉलनी येथे फरीदा मोहम्मद खान (४३) नावाची महिला गरीब मुलींना पैशांचे आमिष दाखवून त्यांच्याकडून देहव्यापार करवून घेत असल्याची माहिती सामाजिक सुरक्षा विभागाच्या पथकाला मिळाली. फरीदा हीच मुलींना ग्राहक व जागा उपलब्ध करून द्यायची. पोलिसांनी सापळा रचला व शनिवारी सायंकाळी एक डमी ग्राहक पाठविला. ग्राहकाने इशारा करताच पोलिसांच्या पथकाने फरीदाला सौदा करताना रंगेहाथ अटक केली. त्यावेळी तेथे एक अल्पवयीन मुलगी होती.

फरीदाची चौकशी केली असता तिने धनश्री उर्फ सोनी हिरामन वाघमारे (३५, कबीरनगर) या महिलेच्या माध्यमातून अल्पवयीन मुलगी आणल्याचे सांगितले. पोलिसांनी सोनीलादेखील अटक केली. फरीदा व सोनीविरोधात पिटा तसेच पोक्सो कायद्याअन्वये गुन्हा दाखल करण्यात आला आहे. पोलीस निरीक्षक सारीन दुर्गे, संतोष जाधव, अनिल अंबाडे, राशीद साजिद, भूषण झाडे, लक्ष्मण चैरे, मनीष रामटेके, सुधीर तिवारी, रिना जाऊळकर, पूनम शेंडे यांच्या पथकाने ही कारवाई केली.