श्री गुरुदेव सेवा मंडळातर्फे ‘ श्यामली ‘ सुसंस्कार  निवासी शिबिराचे आयोजन 

धामणगाव रेल्वे /  यशवंत पाटील

             श्री गुरुदेव सेवा मंडळ धामणगाव रेल्वे तर्फे स्व. शकुंतलादेवी राध्येश्यामजी लोया स्मृती प्रित्यर्थ निवासी सुसंस्कार  शिबिराचे आयोजन  अंजनसिंगी रोड वरील श्रीमती हिरीबाई नंदलालजी लोया स्मृती भवन लोया वाडी येथे आयोजित करण्यात आले होते.

                  17 एप्रिल ते 28 एप्रिल पर्यंत आयोजित या शिबिरात बालकांना गायन- वादन , लाठी- काठी , लेझीम ,  मलखाम , आदी सह विविध खेळाचे प्रशिक्षण देण्यात आले. या कार्यक्रमाला अध्यक्ष म्हणून मा.  प्रकाश महाराज वाघ प्रचार प्रमुख अ भा गु सेवा मंडळ, गुरुकुंज , उदघाटक म्हणून परिविक्षाधीन उपजिल्हाधिकारी तथा तहसीलदार धामणगाव ,प्रमुख अतिथी म्हणून गोपाल भूत  प्रमुख सल्लागार सुसंस्कार समिती , मा. डॉ. दिलीप काळे, अभ्यासन प्रमुख सं. गा. बा. अमरावती विद्यापीठ , मा. हेमंत ठाकरे, ठाणेदार पो.स्टे. दत्तापुर, प्रमुख अतिथी म्हणून रमेश राव ठाकरे, जिल्हा प्रचार प्रमुख ,गु.से.मं. गुरुकुंज, मा.सुरज तेलगोटे, ठाणेदार मंगरूळ दस्तागिर, मा.मधुकर राव चतारे अध्यक्ष सेवानिवृत्त कर्मचारी संघटना धा रे  लाभले होते.