नागपुरच्या अक्कु यादव हत्याकांडाची झाली आठवण
नवी दिल्ली / नवप्रहार न्यूज नेटवर्क
दिल्लीच्या साकेत नगर कोर्टात भरदिवसा झालेल्या गोळीबाराच्या घटनेने खळबळ माजली होती. लॉयर्स ब्लॉक जवळ घडलेल्या या घटनेने काही काळासाठी धावपळ माजली होती. मारेकरी हा वकिलाच्या वेशात आला होता. तो निलंबित वकील असल्याचे कळत असून महिला आणि त्याच्यात आर्थिक वाद असल्याचे समजत आहे.महिलेवर एम्स रुग्णालयात उपचार सुरू असून तिची प्रकृती चिंताजनक आहे. या घटनेने नागपूर कोर्टात झालेल्या अक्कु यादव नामक कुख्यात गुंडांच्या घटनेची आठवण ताजी झली आहे.
राजधानीतील साकेत न्यायालयात शुक्रवारी सकाळी गोळीबाराच्या आवाजाने एकच गोंधळ उडाला आहे. वकिलाच्या वेशात आलेल्या एका व्यक्तीने महिलेवर गोळीबार केला. जखमी महिलेला तातडीने दिल्ली एम्समध्ये दाखल करण्यात आले आहे. सध्या तिची प्रकृती चिंताजनक आहे. आरोपी हा निलंबित वकील असल्याची माहिती समोर येत आहे. दोघांमध्ये आर्थिक कारणावरून वाद होता. यावरून त्याने महिलेवर गोळीबार केला. सध्या आरोपीला अटक करण्यात आलेली नाही. पोलीस या प्रकरणाचा संपूर्ण तपास करत आहेत.
लॉयर्स ब्लॉकजवळ घडलेल्या या घटनेने संपूर्ण न्यायालयात एकच खळबळ उडाली आहे. ही घटना घडली त्यावेळी नेहमीप्रमाणे वकील न्यायालयात पोहोचले होते. ब्लॉकच्या आसपास काही वकील येत होते. एंट्री गेटवरील प्रत्येकजण स्कॅनरने स्कॅन केला जात असताना आरोपी थेट पिस्तूल घेऊन न्यायालयात कसा पोहोचला, याचाही पोलीस तपास करत आहेत. यापूर्वी वकील असल्याचा फायदा घेऊन आरोपीने सुरक्षा तपासणी केली नाही. त्यामुळे थेट न्यायालयाच्या आवारात पोहोचल्याची शक्यता आहे का? याचादेखील पोलीस तपास करत आहेत. घटनास्थळी पोलिसांचा कडेकोट बंदोबस्त तैनात आहे. गुन्हे शाखेचे पथकही तेथे पोहोचले असून त्यांनी तपास सुरू केला आहे.
महिलेवर एम्सच्या ट्रॉमा सेंटरमध्ये उपचार सुरू- साकेत बार असोसिएशनचे माजी अध्यक्ष कर्नेल सिंग यांनी सांगितले की, गोळी लागलेली महिला साकेत कोर्टात कायद्याचा अभ्यास करते. गोळ्या घातलेला व्यक्ती हा निलंबित वकील आहे. तीन महिन्यांपूर्वी दिल्लीच्या बार कौन्सिलने काही कारणास्तव त्याचा परवाना रद्द केला होता. राधा असे जखमी महिलेचे नाव आहे. पैसे देणे-घेण्यावरून आरोपीमध्ये वाद झाला. कामेश्वर प्रसाद सिंग असे गोळीबार करणाऱ्याचे नाव असल्याचे साकेत न्यायालयाचे अध्यक्ष विनोद शर्मा यांनी सांगितले. पैशाच्या व्यवहारावरून त्याचा महिलेशी वाद सुरू होता. ती महिला पैसे परत करत नव्हती. या महिलेवर एम्सच्या ट्रॉमा सेंटरमध्ये उपचार सुरू आहेत.
