कुख्यात गुंडावर गोळीबार ; अज्ञाताने झाडल्या 3 गोळ्या 

मिळालेल्या माहितीनुसार, शरद मोहोळ याच्यावर आज पुण्यात कोथरूड इथं जीवघेणा हल्ला करण्यात आला आहे. अज्ञात हल्लेखोरांनी मोहोळेवर बेछुट गोळीबार केला. या गोळीबारात मोहोळला 3 गोळ्या लागल्याची माहिती समोर आली आहे. त्याला तातडीने वनाज सह्याद्री रुग्णालयात दाखल करण्यात आले आहे. या घटनेमुळे पुण्याच्या गुन्हेगारी क्षेत्रात खळबळ उडाली आहे.

पुण्यातील कुख्यात गुंड म्हणून मोहोळची ओळख आहे. शरद मोहोळ या टोळीने सरपंचाचा अपहरण करुन खंडणी उकळल्या प्रकरणी पोलिसांनी त्याला अटक केली होती. मोहोळ आणि आलोक भालेरावला येरवडा कारागृहातील अंडा सेलमध्ये ठेवण्यात आले होते. त्यावेळी त्याने दहशतवादी कातिल सिद्दीकी याचा नाडीने गळा आवळून खून केला होता. मोहोळ आणि त्याचा साथीदार आलोक भालेराव या दोघांनी 2012 मध्ये कातील सिद्दीकीचा येरवडा जेलमध्ये खून केल्याचा आरोप आहे. या खटल्यातून त्याची पुराव्या अभावी निर्दोष मुक्तता करण्यात आली आहे. एवढंच नाहीतर शरद मोहोळवर याशिवाय मोक्का अनव्यये अनेक गंभीर गुन्हे दाखल आहेत.