अजित दादांचा पलटवार ; शरद पवारांना दे दणका

मुंबई / नवप्रहार मीडिया नेटवर्क

            अजित पवार राष्ट्रवादी पासून वेगळे झाल्यानंतर दादा आणि काका शरद पवार यांच्यात शह आणि मात चा खेळ सुरू आहे. अजित पवार महायुती सरकार मध्ये शामिल झाल्या नंतर त्यांच्यासह नऊ आमदारांनी मंत्रिपदाची शपथ घेतली होती ज्या नऊ आमदारांनी  मंत्रिपदाची शपथ घेतली होती त्यांना शरद पवार यांनी निलंबित केले होते.

 अजितदादांच्या गटाकडून पवार गटाच्या दहा नेत्यांवर कारवाई करण्यात आली आहे . महत्त्वाचे म्हणजे अजित पवारांनी सांगितल्यानंतर ही कारवाई करण्यात आली आहे.

याआधी शरद पवारांकडून मंत्रीपदाची शपथ घेणारे नऊ मंत्र्यांना निलंबित केले होते. तर आता, अजितदादांच्या गटाकडून, शरद पवार यांनी नेमलेल्या दहा राज्यांतील प्रदेशाध्यक्षांना पदावरुन हटविले आहे. अजित पवार गटाचे राष्ट्रीय प्रवक्ते ब्रिजमोहन श्रीवास्तव यांनी ही माहिती दिली.