व्हिडिओ काढणाऱ्या तरुणाला वऱ्हाड मंडळींनी दिला चोप
अंजनगाव सुर्जी ( मनोहर मुरकुटे )
अंजनगाव सुर्जी बोराळा रोडवरील महादेव भवन मंगल कार्यालय येथे महिलांचे कपडे बदलत असतांना व्हिडिओ मोबाईल मध्ये काढताना एका विकृत तरुणाला काल दिनांक ७ ला रंगेहाथ पकडून वऱ्हाडानी त्या विकृत तरुणाला चांगला चोप देऊन पोलिसांच्या हवाली केले
सविस्तर वृत्त असे की. काल दिनांक सात ला अंजनगाव सुर्जी तालुक्यातील एका प्रतिष्ठित कुटुंबाची लग्न सोहळा महादेव भवन या मंगल कार्यालयामध्ये आयोजित केला होता यादरम्यान सायंकाळी काही महिला समारंभासाठी कपडे बदलवीत असतानाचा व्हिडिओ काढत असताना कार्यालयातील एका वऱ्हाडयाने बघितले आणि त्याला विचारले असता मी कार्यालयाच्या मालकाला भेटण्यासाठी आलो असे सांगितले परंतु मंगल कार्यालयाचे मालकाने आरोपीला ओळखत नसल्याचे सांगितल्याने वऱ्हाड यांनी त्या आरोपीला चांगलाच चोप देऊन अंजनगाव सुर्जी पोलिसांच्या ताब्यात दिले पोलिसांनी त्याचे दोन्ही मोबाईल जप्त केले असता त्या मोबाईल मध्ये महिलांचे कपडे काढत असताना ते अनेक व्हिडिओ आढळल्याने त्याचावर गुन्हा दाखल करुन अटक केली आहे. ही घटना बुधवार दिनांक ७ रोजी सायंकाळी ८ वाजता दरम्यान घडली.
आरोपी फुजेल वल्द मो शौकत वय २३ राहणार काजीपुरा अंजनगाव सुर्जी याला पोलीसांनी अटक केली असून अप ३९३/२३ .कलम ३५४ (क) ३५४(ड) नुसार गुन्हा दाखल केला आहे. याप्रकरणी ५३ वर्षीय महिलेने अंजनगाव पोलीस ठाण्यात तक्रार दिली आहे. न्यायालयाने आरोपीला समस देऊन सोडण्यात यावे असे आदेश दिले असल्याने शहरात उलट सुलट चर्चेला उधान आले असून आरोपी नेहमीच अशा प्रकारे व्हिडिओ काढून इतर लोकांना पाठवीत असल्याचे चर्चा असल्याने तालुक्यात तणावाचे वातावरण निर्माण झाले आहे.
एवढी गंभीर बाब असतांना अश्या ह्या आरोपीला जामीन मिळणे, म्हणजे न्याय व्यवस्थेवर कितपत विश्वास राहणार हा प्रश्न सद्यस्थितीत निर्माण झाला आहे
