पत्नीची अजब अट .. तिला प्रियकरा सोबत राहायचे आहे , खर्च तर पतीने करावा 

लखनऊ  / नवप्रहार डेस्क 

               मागील काही काळात  विवाहबाह्य संबंधात कमालीची वाढ झाली आहे. त्यामुळे अनेक प्रकरणे पोलिसात पोहचतात. त्यावेळी पोलिसांकडून त्याचे समुपदेशन केल्या जाते. यावेळी पती – पत्नी मधील भांडणाचे कारण विचारल्या जाते. या प्रकरणात पत्नीने जे सांगितले ते ऐकून समुपदेशक देखील बुचकाळ्यात पडले. 

 या प्रकरणात पत्नीने पतीकडे विचित्र मागणी केली आहे. ती म्हणते, की तिला आता त्याच्यासोबत राहायचं नाही. ती तिच्या दोन्ही मुलींनाही सोबत ठेवेल आणि तिच्या प्रियकरासोबत राहणार आहे. पण खर्च पतीला करावा लागेल.

पत्नी प्रियकरसोबत राहिली तर तिला एक रुपयाही देणार नाही, यावर पती ठाम आहे. हे प्रकरण कुटुंब समुपदेशन केंद्रापर्यंत पोहोचलं. तिथे महिलेचं म्हणणं ऐकून सगळेच थक्क झाले. ती म्हणाली- माझा आणि दोन्ही मुलींचा सर्व खर्च पतीने करावा. मला माझ्या बॉयफ्रेंडसोबत राहायचं आहे. पण दोन्ही मुली पतीच्या आहेत. त्यामुळे त्यांच्या खर्चाची जबाबदारी पतीवर आहे.

यावर पतीने म्हटलं की, जर ती माझ्यासोबत राहणार नाही तर मग पैसे का खर्च करायचे? जर ती तिच्या प्रियकरासोबत राहत असेल तर तिचा खर्चही त्याने उचलावा. मग समुपदेशकाने पत्नीला विचारलं, की तू असं का करत आहेस? बायको म्हणाली- नवरा अनेकदा कामानिमित्त बाहेर राहतो. तो मला वेळ देऊ शकला नाही. अशा परिस्थितीत मला एकटेपणा वाटू लागला. या काळात मला प्रियकर भेटला. पण प्रियकरही आधीच विवाहित आहे. त्याला मुलंही आहेत. तो आधीच आपल्या कुटुंबाला आधार देत आहे. अशा परिस्थितीत तो माझा खर्च उचलू शकत नाही. माझी इच्छा आहे, की माझ्या पतीने माझा आणि मुलींचा खर्च उचलावा

समुपदेशक डॉ. अमित यांनी सांगितलं की, दोघांच्या लग्नाला 10 वर्षे झाली आहेत. पत्नी हातरस येथील रहिवासी आहे. तिचा पती आग्रा येथील रहिवासी आहे. पत्नीला आता प्रियकरसोबत राहायचं आहे. मात्र ती पतीकडून मासिक खर्चाचीही मागणी करत आहे. पतीला तिला पैसे द्यायचे नाही. सध्या दोघांमध्ये कोणताही करार झालेला नाही. अशा स्थितीत त्यांना आणखी एक तारीख देण्यात आली आहे.