मिरवणुकीत नाचण्यावरून झाला वाद ; दोघांनी मिळून आशुतोषला जीवनातून केले बाद 

याप्रकरणी बुलढाणा शहर पोलिसांनी दोन आरोपींना अटक केली आहे. या दोघांनीही हत्या केल्याची कबुली दिल्याची माहिती पोलिसांनी दिली आहे. बुलढाणा शहरात आंबेडकर जयंती उत्सवानिमित्त मिरवणूक काढण्यात आली होती. या मिरवणुकीत नाचण्यावरून मृतक आणि आरोपींमध्ये वाद झाला होता. या वादाचं रुपांतर हाणामारीत झालं.

आरोपींनी मृत्यू झालेल्या आशुतोषला ओढत नेत त्याच्यावर चाकूने वार केले. उपचारादरम्यान आशुतोषचा मृत्यू झाला. मृत्यू झालेल्या आशुतोषवर पोलिसांमध्ये अनेक गंभीर गुन्हे दाखल असून तो गुन्हेगारी प्रवृत्तीचा असल्याचंही समोर आलं आहे. हत्येप्रकरणी पोलिसांनी दोघांना अटक केली असून त्यांच्यावर गुन्हा दाखल करण्यात आला आहे.