नैनीताल / नवप्रहार मीडिया
देशातील विविध भागात ऋतू नुसार फळ येतात. काही फळांत चवी सोबत औषधी गुणधर्म सुद्धा असतात. असेच एक फळ आहे माल्टा उत्तराखंड राज्यातील डोंगराळ भागात वाढणाऱ्या माल्टाची चव अनेकांना माहिती आहे. यामध्ये व्हिटॅमिन सी भरपूर प्रमाणात असते. हे फळ हिवाळ्यात डोंगराळ भागात घेतले जाते. माल्टा चवीसोबतच आपल्या आरोग्यासाठीही खूप फायदेशीर आहे. त्याची सालसुद्धा उपयुक्त आहे. उन्हात त्याची साल वाळवल्यानंतर ती बारीक करून चेहऱ्यावर लावल्याने पिंपल्स आणि मुरुम दूर होतात
नैनितालच्या डीएसबी कॉलेजमधील वनस्पतीशास्त्र विभागाचे प्राध्यापक डॉ. ललित तिवारी यांनी याबाबत माहिती दिली. उत्तराखंडमध्ये 400 फूट उंचीवर आढळणारा माल्टा हा व्हिटॅमिन सीचा उत्कृष्ट स्रोत आहे. पिवळ्या रंगाचा माल्टा उत्तराखंडमध्ये आढळतो. तर हिरव्या रंगाचा माल्टा बंगालमध्ये आढळतो. स्कर्वी रोगावर माल्टाचे सेवन खूप फायदेशीर आहे. तसेच दात आणि हिरड्यांसाठीही हे खूप फायदेशीर मानले जाते.
प्राध्यापक डॉ. ललित तिवारी पुढे म्हणाले की, माल्टामध्ये भरपूर फायबर असते, जे पचनासाठी प्रभावी असते. यामधील पोटॅशियम रक्तदाब नियंत्रित ठेवण्यास मदत करते. तसेच माल्टा केस मजबूत करते, भूक वाढवते, खोकला-सर्दीमध्येही फायदेशीर आहे. इतकेच नव्हे तर कफाची समस्या दूर करते. हे अँटी-ऑक्सिडंट म्हणूनही काम करते. हिवाळ्यात रोज एक ग्लास माल्ट ज्यूस प्यायल्याने शरीर निरोगी राहते. यासोबतच माल्टामुळे रोगप्रतिकारशक्ती वाढते आणि शरीरातील खराब कोलेस्ट्रॉलही कमी होते
यासोबतच यामध्ये असलेले कोलीजन त्वचेला तरुण ठेवण्यासाठी वृद्धत्वविरोधी म्हणून काम करते. या वर्षी माल्टाला Gl टॅग देखील मिळाला आहे. त्याची किंमत 30 रुपये प्रति किलोपर्यंत आहे. माल्टाचे कोणतेही दुष्परिणाम नाहीत. परंतु त्याचा रस जास्त प्रमाणात प्यायल्याने पोट खराब होऊ शकते.
What’s your Reaction?
+1
+1
+1
+1
+1
+1
+1
