पत्रकार दिनानिमित्त घाटंजीत शिवश्री प्रविण देशमुख यांचे व्याख्यान व तेलंगणा आयडल रवि रेला मसराम यांच्या गितगायणाचा सूमधूर कार्यक्रम संपन्न

कार्यक्रमात समाजातील कर्तृत्ववान व विविध क्षेत्रातील उल्लेखनीय कामगिरी करणाऱ्या गुणवंतांचा सत्कार.

घाटंजी तालुका प्रतिनिधी -सचिन कर्णेवार 

 6/1/24 रोजी पत्रकार दिनानिमित्त घाटंजीत एकता पत्रकार बहूउदेशिय संस्थेच्या वतीने पोलिस स्टेशन चौक घाटंजी येथे आयोजित करण्यात आलेल्या विविध कार्यक्रमांचे आयोजन करण्यात होते. कार्यक्रमाला उद्घाटक म्हणून घाटंजी पोलिस स्टेशनचे पोलिस निरीक्षक निलेश सुरडकर होते. कार्यक्रम अध्यक्षस्थानी गिलाणी महाविद्यालयाचे डॉ.एम. ए. शहजाद होते तर प्रमुख पाहुणे म्हणून पारवा पोलिस स्टेशन ठाणेदार प्रविण लिंगाडे,निताताई गावंडे उपशिक्षणाधिकारी यवतमाळ, कैलास कोरवते एकता पत्रकार बहूउदेशिय संस्था अध्यक्ष,होते.मुख्य म्हणजे कार्यक्रमात शिवश्री प्रविण देशमुख यांचे व्याख्यान व रविरेला मसराम तेलंगणा आयडल यांचा गितगायणाचा सूमधूर संगितमय संच कार्यक्रमत शोभा आणणारी होती.कार्यक्रम सूरवात आचार्य बाळशास्त्री जांभेकर यांच्या प्रतिमेचे पूजन करुन व व्दिप प्रज्वलन करून करण्यात आली.तदनंतर उपस्थित मान्यवरांचा शाल व श्रीफळ देऊन सत्कार करण्यात आला.सदर कार्यक्रम प्रसंगी तालुक्यातील शेतकरी आत्महत्याग्रस्त कुटुंबांतील महिलांना आपणही समाजाचे काही देणे लागतो म्हणून फुल न फुलाची पाकळी आर्थिक मदत व साडी देऊन सांत्वन करण्यात आले.सोबतच समाजातील कर्तृत्ववान व गुणवंत विद्यार्थ्यांचा मानन्यवर हस्ते करण्यात आला. यात अश्विनी ईंगळे,आयटीया भारतात प्रथम,अमरावती महाविद्यालय एम प्रथम आलेली कु.शामल अवचित, प्रगतशील शेतकरी भरत दलाल,घाटंजी ठाण्याचे पोलिस उपनिरीक्षक सिडाम, तसेच आरोग्य सेवा देणाऱ्या डॉ.धूर्वे, डॉ.आडे,डॉ.चौधरी यांचाही उपस्थित मान्यवरांच्या व संस्था पदाधिकारी हस्ते शाल, प्रशस्तीपत्र ,शिल्ड, देत गौरव करण्यात आला.

                    कार्यक्रमाला मुख्य व्याख्याते प्रविण देशमुख यांनी व्याख्यान करतांना शिक्षणा पासून दूरावा होत असलेल्या युवकांना शैक्षणिक मार्गदर्शन सोबतच संकृती,समानता जपावी व जातीपातीचा भेद विसरत जगतांना माणुसकी हा धर्म कसा जपवा हे शिव चारित्र्याचे जिवंत उदाहरण देत सांगितले.संताजी घोरपडे,शेलार मामा, मिर कासिम यांच्या स्वामिनिष्ठ आणि कर्तव्यावर ज्वलंत उदाहरणे देत उपस्थितांना मंत्रमुंग्ध ही केले. आदिवासी समाजाची परंपरा जपत ग्रामीण भागातील जनतेचा च्याहता तेलंगणा आयडल रवि रेला मसराम यांच्या गितगायणाचा सूमधूर संगितमय कार्यक्रम आयोजित करण्यात आला.यामधे जत्रातेवाता, बुलेट बंड्डी सारख्या भन्नाट गाण्याने कार्यक्रमाची रंगत वाढली. काही गाण्यावर तर अक्षरशः प्रेक्षक तालावर थिरकली. सदर कार्यक्रम प्रास्ताविक संस्था अध्यक्ष कैलास कोरवते यांनी केले, संचालन सरिता ताजने यांनी केले.कार्यक्रम यशस्वीतेसाठी संस्था उपाध्यक्ष अरविंद चौधरी,सचिव बंडू तोडसाम,अरविंद जाधव, सहसचिव सचिन कर्णेवार,सल्लागार प्रमुख अनंत नखाते,गणेश भोयर, संजय ढवळे, संतोष अक्कलवार,नंदू डंभारे,अमोल मोत्तेलवार,अमोल नडपेलवार,संदीप मुनोत,सुधाकर अक्कलवार,जितेंद्र जुनघरे, अमोल गेडाम,अमोल राऊत,मुज्जू पटेल,वसिम खान, गजु चिल्लावार,तथा समस्त सदस्य गण यांनी मोलाचे परिश्रम घेतले.