कोलकत्याच्या ऋतुराज हॉटेल ला आग: 14 लोकांचा होरपळून मृत्यू 

            वाढत्या तापमानामुळे आगीच्या घटनेत देखील वाढ झाली आहे. कोलकाता येथील फलपट्टी मच्छुआ भागातील  ऋतुराज हॉटेल ला लागलेल्या आगीत 14लोकांचा  आगीत होरपळून मृत्यू झाला आहे. तर 22 लोकांना वाचविण्यात प्रशासनाला यश आले आहे.

काही लोक अजूनही आत अडकल्याची भीती आहे. बचावकार्य सुरू आहे.

पोलिस आयुक्त मनोज वर्मा म्हणाले की, रात्री सव्वा आठ वाजता ऋतुराज हॉटेलमध्ये आग लागली. माहिती मिळताच अग्निशमन दल आणि पोलिस पथके घटनास्थळी पोहोचली आणि बचावकार्य सुरू केले. आतापर्यंत 14 मृतदेह बाहेर काढण्यात आले आहेत. अपघाताच्या चौकशीसाठी एक विशेष पथक तयार करण्यात आले आहे. हॉटेलच्या चौथ्या मजल्यावर बसवलेल्या वीज मीटरमध्ये शॉर्ट सर्किटमुळे आग लागल्याचे प्राथमिक तपासात समोर आले आहे. घटनास्थळी उपस्थित असलेल्या एका व्यक्तीने सांगितले की, अनेक लोक जीव वाचवण्यासाठी हॉटेलच्या छतावरून आणि खिडक्यांमधून उड्या मारताना दिसले.