बीआरएस च्या नागपूर येथील कार्यालयाचे उदघाटन उद्या  ; कार्यकर्त्यांत उत्साह जनतेत उत्सुकता

भारत राष्ट्र समितीचे नेते आणि तेलंगणाचे मुख्यमंत्री के. चंद्रशेखर राव हे उद्या गुरुवार, १५ जून रोजी शहरात येत आहेत. राज्यातील पक्षाच्या पहिल्या कार्यालयाचे उद्घाटन त्यांच्या हस्ते होईल.

के. चंद्रशेखर राव यांचे गुरुवारी दुपारी १ वाजता शहरात आगमन झाल्यानंतर साई मंदिराजवळील विभागीय कार्यालयाचे उद्घाटन होईल. यानंतर दुपारी २ वाजता सुरेश भट सभागृहात कार्यकर्ता मेळावा आणि इतर पक्षातील कार्यकर्त्यांचा प्रवेश कार्यक्रम होईल. नांदेड, छत्रपती संभाजीनगर येथील सभा गाजवणाऱ्या राव यांनी उपराजधानीत मात्र, शक्तिप्रदर्शन टाळले आहे.