वयोश्री योजने’साठी ‘गुरुदेव’चे हेलपाटे वृद्धांच्या खात्यात अनुदान वळते करा ! मागणीवर विचार न झाल्यास उपोषण

यवतमाळ :मुख्यमंत्री लाडकी योजनेतून बहिणींना जसे भरभर अनुदान वळते केले तसेच वृद्धांनाही करा,या मागणीसाठी गुरुदेव युवा संघाचे मनोज गेडाम हे जिल्हाधिकारी कार्यालयात हेलपाटे मारीत आहे.योजनेस पात्र लाभार्थ्यांची ससेहोलपट करू नये,अशी तंबी गेडाम यांनी आपल्या निवेदनातून दिली.याउपरही योजना कार्यान्वित न झाल्यास उपोषणाचा इशारा देण्यात आला आहे.
वयोश्री योजनेची केवळ घोषणा झाली प्रत्यक्षात मात्र यवतमाळ जिल्ह्यात ही योजना बंद पडल्यागत आहे.गुरुदेव युवा संघाचे अध्यक्ष गेडाम यांनी या योजनेच्या अंमलबजावणीसाठी पुढाकार घेतला आहे.आज त्यांनी जिल्हाधिकाऱ्यांची भेट घेऊन योजनेला प्रभावीपणे राबविण्यासाठी निवेदन सादर केले आहे.वयोश्री योजनेतून वृद्धांना दरमहा अनुदान देण्याची तरतूद आहे.परंतु,निवडणुकीपूर्व या योजनेचा गवगवा झाला प्रत्यक्षात लाभ मिळत नसल्याचे वास्तव आहे.तेव्हा या योजनेला तातडीने सुरु करून वयोवृद्धांना दरमहा २१०० रुपये अर्थसहाय्य दिले जावे,अस्वही गेडाम यांची मागणी आहे.जिल्हास्तरावर या मागणीला न्याय न मिळाल्यास उपोषणाला बसण्याचा इशारा देण्यात आला आहे.जिल्हाधिकाऱ्यांना निवेदन देतेवेळी गुरुदेव युवा संघाचे भाऊराव वासनिक,सब्बल सिंग,शाम राठोड उर्फ जादूगर,लक्ष्मण माघाडे,नेवला तसेच मामा फुकटचंद सुहास कांबळे आदी उपस्थित होते.

अर्ज छाननी केव्हा पूर्ण होणार ?

आजपर्यंत तब्बल ६४ हजार ९ अर्जप्रकरणे दाखल झाली असून यापैकी केवळ ४५ हजार ७ अर्ज पात्र ठरले आहे उर्वरित अर्जाची छाननी सुरु असल्याचे समाज कल्याण विभागाने गेडाम याना सांगितले आहे.निवडणुकीचा कार्यक्रम संपला तरीदेखील अर्ज छाननी प्रक्रिया तशीच रेंगाळली आहे परंतु,आता या योजनेला गती मिळाली नाहीतर सर्व अर्जदार वृद्धांना घेऊन उपोषणाला बसण्याचा इशारा गेडाम यांनी दिला आहे.