भयानक …. बंजी जम्पिंग करताना कुटुंबियांसमोर मुलाने गमावला जीव
बंजी जंपिंग म्हणजे पायाला लवचिक दोरी बांधून उंचावरून उडी मारणे. वास्तविक हा खेळ प्रशिक्षित लोकांच्या नजरेखाली खेळला जातो. पण खरंतर हा खेळ साहसिक लोकांसाठी आहे. कारण या खेळात जीवाला धोका असतो. पण किशोरवयीन मुलांना याचे दुष्परिणाम माहीत नसल्याने त्यांच्यात या खेळाची क्रेझ आहे. या खेळा दरम्यान एका मुलाला जीव गमवावा लागला आहे. आणि ही भयानक घटना त्याच्या कुटुंबीया समोर घडली आहे.
इमारत, क्रेन, पूल किंवा हेलिकॉप्टरमधूनही बंजी जंपिंग करता येते. तरुणांमध्ये बंजी जंपिंगची खूप क्रेझ आहे, परंतु आम्ही तुम्हाला सांगतो की, हा थरारक गेम अनेकांच्या जीवास धोका निर्माण करत आहे, यामुळे दररोज अनेकांना आपला जीव गमवावा लागतो.
अलीकडेच, बंजी जंपिंगमध्ये सहभागी झालेल्या एका मुलाचा हवेतच मृत्यू झाला, त्यानंतर त्याचा निर्जीव मृतदेह क्रेनला लटकला. मुलाचा मृत्यू झाला तेव्हा त्याचे कुटुंबीयही तेथे उपस्थित होते. जर तुम्ही बंजी जंपिंग करण्याचा विचार करत असाल, तर तुम्हाला हे माहित असले पाहिजे की, या दरम्यान कोणते सुरक्षा नियम पाळणे महत्वाचे आहे, अशा परिस्थितीत सुरक्षा सर्वात महत्वाची आहे.
बंजी जंपिंग एक धोकादायक खेळ आहे त्यामुळे बंजी जंपिंगसाठी अशी कोणतीही कंपनी निवडू नका जी खोट्या पद्धतीने ही ऍक्टिव्हिटी करत आहे. आम्ही तुम्हाला सांगतो, यामध्ये जीवाला धोका आहे, अशा परिस्थितीत फक्त ती कंपनी निवडा, जी सुरक्षा लक्षात घेऊन बंजी जंपिंग ऍक्टिव्हिटी करवते. कोणतीही कंपनी निवडताना क्रॉस-चेक करायला विसरू नका, कारण काठावर उभे राहून, अथांग डोहात पाहणे आणि 3..2..1.. नंतर उडी मारणे हा काही विनोद नाही.
बंजी जंपिंग खेळावेळी आपल्या प्रशिक्षकाचे ऐकणे फार गरजचे आहे. यावेळी त्याने सांगितलेल्या कोणत्याही गोष्टीकडे दुर्लक्ष करू नका कारण एक चूक तुमचा संपूर्ण जीव धोक्यात घालू शकते. आम्ही तुम्हाला सांगतो, बंजी जंपिंगपूर्वी एक ब्रीफिंग सेशन असते, ज्यामध्ये उडी कशी मारायची, श्वासोच्छवासावर नियंत्रण कसे ठेवावे आणि मन कसे शांत ठेवावे हे सांगितले जाते. त्यामुळेच हा खेळ खेळत असताना आपल्या प्रशिक्षकाचे कान उघडे ठेऊन ऐका आणि त्याचे नीट अनुसरण करा.
बंजी जंपिंग करण्यापूर्वी तुम्हाला तुमच्या आरोग्याबद्दल विचारले जाईल. जर तुम्ही हृदयरोगी असाल, तीव्र वेदनांनी त्रस्त असाल किंवा नुकतेच फ्रॅक्चर, ऑस्टिओपोरोसिस, दमा इत्यादी आजारांनी ग्रस्त असाल तर तुम्हाला तुमच्या प्रशिक्षकाला याबद्दल आधीच कळवावे लागेल. त्यानंतर तो तुम्हाला तुमच्या हेल्थनुसार तुम्ही यासाठी तयार आहात की नाही, ते सांगेल. बंजी जंपिंग करताना आरोग्याबाबत कोणत्याही गोष्टी लपवू नका नाहीतर हे तुमच्या जीवास कारणीभूत ठरू शकते.
