प्रिपेड मीटर जोडणीला स्थगिती देण्याऐवजी ती कायमस्वरूपी रद्द करा- मागणी

वर्धा /आशिष इझनकर

: विज ग्राहकांना स्मार्ट प्री-पेड वीज मीटर जोडणीला स्थगिती देण्याऐवजी प्रीपेड मीटरला कायमस्वरूपी रद्द करण्यात यावे, अशी मागणी राष्ट्रवादी काँग्रेस पार्टी शरदचंद्र पवार पक्षाच्या वतीने हिंगणघाट येथे करण्यात आली.
राष्ट्रवादी काँग्रेसचे प्रदेश सरचिटणीस अतुल वांदिले यांनी याबाबतचे निवेदन महावितरणच्या कार्यकारी अभियंत्यांना दिले आहे. रिचार्ज मीटरच्या फायदे आणि तोटे यांचे निष्पक्ष मूल्यांकन करत, वीज ग्राहकांना सरसकट स्मार्ट प्री-पेड वीज मीटर जोडणी रद्द करावी. लोकभावना लक्षात घेऊन पूर्ववत जुने वीज मीटर देण्यासंदर्भात तातडीने कार्यवाही करावी, अशी मागणी राष्ट्रवादी काँग्रेस पक्षाने केलीय. यावेळी मोठ्या संख्येत कार्यकर्ते आंदोलनात सहभागी झाले होतेय.