आरोग्य विभागाचा गलथानपणा उघड ; कोरोना काळातील मृतदेहांवर अंत्यसंस्कार झालेच नाही

पहिल्या लाटेतच या तिघांचा मृत्यू झाला होता आणि तेव्हापासून कोणीही मृतदेहांकडे लक्ष दिलं नाही. या प्रकरणाबाबत येथे राहणाऱ्या लोकांचं म्हणणं आहे की, मीडियामध्ये बातमी आल्यानंतर प्रशासन कारवाईत आलं आणि मृतदेहांवर अंत्यसंस्कार करण्यात आले. तोपर्यंत या लोकांचे फक्त सांगाडेच राहिले होते.

रायपूरच्या मेकहारा रुग्णालयात, कोरोनाचे हे मृतदेह गेल्या साडेतीन वर्षांपासून पीपीई बॅगमध्ये बंद ठेवण्यात आले होते. हे रुग्णालय राज्यातील सर्वात मोठ्या सरकारी रुग्णालयांपैकी एक आहे. येथे दररोज अनेक रुग्ण उपचारासाठी येतात. अशा परिस्थितीत त्यांच्या प्रकृतीबाबतही निष्काळजीपणा होत होता. अंत्यसंस्काराच्या वेळी या मृतदेहांची अवस्था इतकी भयानक होती की हे मृतदेह स्त्रियांचे आहेत की पुरुषांचे हे कळणंही कठीण झालं होतं.