त्याने पाच- पन्नास नव्हे चक्क दुचाकी चोरीचे शतक केले पूर्ण 

नागपूर / प्रतिनिधी

                   शहरात मागील काही दिवसात दुचाकी चोरीच्या घटनेत वाढ झाल्याने पोलिसांच्या कामगिरीवर ताशेरे ओढक्या जात होते. पोलिसांनी चोराचा शोध घेण्यासाठी 250 सीसीटीव्ही तपासले असता त्यांना हा कारनामा एकाच व्यक्तीचा असल्याचे लक्षात आले. त्याला ताब्यात घेऊन चौकशी केली असता त्याने पाच पाच – पन्नास नव्हे तर चक्क 111 दुचाकी चोरल्याचे समोर आले. ललित भोगे (वय 24 वर्ष) असे या आरोपीचे नाव आहे.

 पोलिसांकडून याबाबत तापस केला जात असतानाच गुन्हे शाखेच्या पथकाला ललित भोगे याने अनेक दुचाकी चोरल्याची माहिती मिळाली. पोलिसांनी तात्काळ त्याला ताब्यात घेऊन चौकशी केली असता, त्याने शहरातील वेगवेगळ्या भागातील तब्बल 111 दुचाकी चोरी केल्याचे समोर आले. पोलिसांनी चोरी गलेल्या सर्व दुचाकी जप्त केल्या आहेत.

पोलिसांनी जवळपास 250 सीसीटीव्ही कॅमेऱ्यांचे फुटेज तपासले…

ललित भोगे हा नागपूर जिल्ह्याच्या आजूबाजूला असलेल्या नऊ जिल्ह्यात दुचाकी वाहनांची चोरी करायचा. त्यानंतर चोरीचे वाहनं ग्रामीण भागामध्ये विकायचा. गेले काही महिने नागपूर शहरात सातत्याने वाहन चोरीच्या तक्रारी येत होत्या. त्यामुळे पोलीस सातत्याने सीसीटीव्हीच्या माध्यमातून चोरट्यांचा शोध घेत होते. जवळपास 250 सीसीटीव्ही कॅमेऱ्यांचे फुटेज अनेक दिवस तपासल्यानंतर नागपुरातून बेपत्ता होणाऱ्या वाहनांच्या मागे एकच चोर असल्याची शंका पोलिसांना आली. पोलिसांनी गोपनीय पद्धतीने या आरोपीचा शोध सुरू केला. तेव्हा ललित भोगे नावाचा हा चोर सध्या नागपूर जिल्ह्यातील कोंढाळी येथे राहत असल्याची माहिती पोलिसांना मिळाली.

अन् तब्बल 111 दुचाकी चोरल्याचे आले समोर…

मिळालेल्या माहितीनुसार पोलिसांनी ललितला ताब्यात घेऊन त्याची चौकशी सुरू केली. तेव्हा त्याने अमरावती जिल्ह्यातील वरुड या मूळ गावात 20 दुचाकी ठेवल्याचे सांगितले. पोलिसांनी सर्वात आधी त्या 20 दुचाकी जप्त केल्या. त्यानंतर या सराईत चोराच्या पुढील चौकशीत आणखी 91 दुचाकी जप्त करण्यात पोलिसांना यश मिळाले. खास बाब म्हणजे 24 वर्षांचा हा सराईत चोर फक्त बारावी उत्तीर्ण आहे. मात्र, त्याला ऑटोमोबाईल क्षेत्राची खडा न खडा माहिती आहे. आपल्या याच ज्ञानाच्या आधारावर तो बनावट किल्लीचा वापर करून किंवा दुचाकीचा हँडल तोडून शिथाफीने दुचाकी चोरायचा.