तिच्या दोन मुलांचा सांभाळ करण्याचे आमिष देत खेळला तिच्या शरीराशी आणि नंतर मात्र 

छत्रपती संभाजी नगर / नवप्रहार न्यूज नेटवर्क

सोशल मीडियावर झालेल्या मैत्रीतून महिला किंवा तरुणी यांची फसवणूक , लग्नाचे आमिष ,शरीर संबंध नंतर मात्र कानावर हात हा काही आता नवीन विषय राहिला नाही. असे अनेक प्रकार दररोज घडत असतात. वरिष्ठ मंडळी यापासून वाचून राहण्याचा सल्ला देतात. पण तरुणाई तर सोडा मध्यमवर्गीय मंडळी इतकेच काय तर वृद्ध देखील सोशल मीडियाच्या जाळ्यात अडकतात. ऐका दोन मुलाच्या 27 वर्षीय महिलेला देखील प्रेमाच्या जाळ्यात ओढून काही वर्षे तिचे शारीरिक शोषण केल्याचा आणि लग्न मात्र दुसऱ्या मुलीसोबत केल्याचा प्रकार शहरात घडला आहे. महिलेला माहिती झाल्यावर तिने पोलिसात धाव घेतली. पोलिसांनी महिलेच्या तक्रारी वरून गुन्हा दाखल केला आहे.

पोलिसांनी दिलेल्या माहितीनुसार, शोयब शेख बाबू ( वय 24 राहणार नारेगाव ) असे आरोपी व्यक्तीचे नाव असून पीडित महिलेचे वय 27 वर्षे आहे. पीडित महिला तिच्या दोन मुलांसह शहरात राहत असून इंस्टाग्रामवर तीची आरोपीसोबत ओळख झालेली होती त्यावेळी आरोपीने तिला तिच्यासोबत लग्नाचे आमीष दाखवले . तिच्या दोन्ही मुलांना आधार देखील देईल असे देखील तो म्हणाला आणि या महिलेसोबत त्याने अनेकदा शारीरिक संबंध प्रस्थापित केले.

काही दिवस उलटल्यानंतर त्याने तिला टाळायला सुरू केले त्यानंतर तिचे फोन देखील घेणे बंद केले. आरोपी महिलेपेक्षा चार वर्षांनी लहान असून वयाची अडचण आहे असे समजून महिलेने त्याला संपर्क करण्याचा प्रयत्न केला मात्र तो तिला सातत्याने टाळत होता. महिलेने त्याची अधिक माहिती घेतली त्यावेळी त्याने नुकतेच दुसऱ्या एका मुलीसोबत लग्न केलेले आहे हा प्रकार समोर आला.

आपली फसवणूक केल्याची जाणीव पीडित महिलेला झाली आणि तिने तात्काळ पोलिसात दाखल होत सहा मे रोजी सिडको पोलिसात आरोपी शोयब याच्या विरोधात बलात्काराचा गुन्हा नोंदवलेला आहे. सहाय्यक पोलीस निरीक्षक श्रद्धा वायदंडे याप्रकरणी पुढील तपास करत असल्याची माहिती आहे.