गॅस कटर ने ए.टी.एम. फोडणारे आरोपी कडुन पोलीस कोठडी रिमांड दरम्यान गुन्हयातील मुद्देमाल जप्त

–अमरावती / प्रतिनिधी

अमरावती ग्रामिण जिल्हयातील पो.स्टे. वरुड हदीत ग्राम जरूड येथील स्टेट बैंक ऑफ इंडीयाचे ए.टी.एम. अज्ञात चोरट्यांनी दि.२२/०५/२०२३ चे रात्री दरम्यान गैस कटरचे सहाय्याने कापून नगदी १६,००,०००/- रू चोरून नेले होते. त्या अनुषंगाने पो.स्टे. वरुड येथे अप.क्र.२९३/२३ कलम ३७९,४२७,३४ भादवी या गुन्हा दाखल करण्यात आला होता. सदर गुन्हयाचे घटनास्थळी मा. श्री. अविनाश बारगळ पोलीस अधिक्षक, अम.ग्रा. यांनी भेट देवून गुन्हा उघडकिस आणने करोता सुचना दिल्या होत्या.

गुन्हयाचे संदर्भात गोपनिय माहीती वरुन नमुद गुन्हयात ताब्यात घेण्यात आलेल्या आरोपी क्रं. १. कलीराम लक्ष्मन नागले वय ३५ वर्ष रा. चकोर जि बैतुल क्र. २ केलास इंदल पाल वय ४३ वर्ष रा. बरीच जि. बेतुल यांना तपासी अधिकारी पोलीस निरीक्षक श्री. प्रदीप चौगावकर यांनी अटक करुन मा. न्यायालय वरुड यांचे समक्ष हजर केले असता मा. न्यायालयाने दिनांक २२/५/२०२३ पावेतो पिसिआर दिला होता. पिसिआर दरम्यान सदर आरोपी यांचे कडुन गुन्हयातील रोख रक्कम १,५०,०००/ रु. जप्त करण्यात आली असून आरोपी कडून पिसिआर दरम्यान इतर साथिदारांचे नावे निष्पन्न झाली असून त्यांचे शोध घेणे कामी पथक रवाना करण्यात आले आहे. सदर गुन्हयाचा पुढील तपास हा पोलीस निरीक्षक श्री. प्रदीप चोगावकर ठाणेदार पोलीस ठाणे वरुड हे करीत आहे.

सदरची कार्यवाही मा. श्री. अविनाश बारगळ, पोलीस अधिक्षक, अमरावती ग्रा. श्री. शशिकांत सातव, अपर पोलीस अधिक्षक, अमरावती ग्रा. डॉ. श्री. निलेश पांडे, उप विभागीय पोलीस अधिकारी, मोर्शी, तपन कोल्हे पोलीस निरीक्षक, स्थानिक गुन्हे शाखा तसेच पोलीस निरीक्षक श्री. प्रदीप चौगावकर ठाणेदार पोलीस ठाणे वरुड यांचे मार्गदर्शनात स्थानिक गुन्हे शाखा पथक, पोलीस ठाणे वरुड यांचे तपास पथक तसेच सायबर सेल पथक यांनी केली आहे.