अल्पवयीन मुलीवर वडील, काका आणि चुलत भावाकडून लैंगिज अत्याचार 

घरातच मुली सुरक्षित नाही मग बाहेरचा विचार न केलेलाच बरा 

पुणे / नवप्रहार मीडिया

                कायदे कितीही कडक केले तरी महिला आणि तरुणींवरील अत्याचारात कुठलाही बदल झालेला दिसत नाही . उलट अत्याचारात वाढ झालेली दिसते. पण काही घटना अश्या असतात कीं बाहेरचे तर सोडा महिला ,तरुणी मुख्यतःअल्पवयीन मुलीवर घरातच अत्याचार केले जातात. पुण्यात मनाचा थरकाप उडवणारी घटना घडली आहे.  येथे एका 13 वर्षाच्या मुलीवर वडील , काका आणि चुलत भावाने लैंगिक अत्याचार केला आहे. शाळेतील गुड टच-बॅड टच सत्रादरम्यान शिक्षकांसमोर केलेल्या खुलाशांमुळे हि घटना समोर आली आहे.

निष्पाप मुलीचा स्वतःचे वडील, काका आणि चुलत भावाने लैंगिक छळ केला होता. सध्या पोलिसांनी तिन्ही आरोपींना अटक केली आहे. विद्यार्थिनीने स्वतः तिच्यावर झालेल्या क्रौर्याची कहाणी सांगितली. यानंतर पोलिसांनी कारवाई करत तिघांनाही अटक (Pune Crime News) केली.

शाळेत सुरू असलेल्या एका विशेष सत्रादरम्यान विद्यार्थिनीने आपल्यासोबत झालेल्या लैंगिक शोषणाची घटना पोलिसांना सांगितली. या प्रकरणी विद्यार्थिनीने सांगितले की, हे घाणेरडे काम तिच्या चुलत भावाने जुलै 2023 मध्ये केले होते. यानंतर तिला जीवे मारण्याची धमकीही देण्यात आली. या भीतीमुळे तिने हा प्रकार कोणाला सांगितला नाही.

वडिलांबरोबरच काकांनाही सोडले नाही
मुलीने तिच्यासोबत घडलेल्या या घटनेबद्दल सांगितले की, जानेवारी 2024 मध्ये तिच्या काकांनीही तिचा लैंगिक छळ केला. एवढेच नाही तर त्याच्या वडिलांनीही हे काम केले.

पोलिसांनी तिघांनाही अटक केली
या प्रकरणी पीडितेच्या जबाबानंतर पोलिसांनी तिचे वडील, चुलत भाऊ आणि काकांना अटक करून भारतीय दंड संहिता आणि लैंगिक गुन्ह्यांपासून बालकांचे संरक्षण कायद्यान्वये गुन्हा दाखल केला आहे.

आईचा जबाब नोंदवला जाईल
या प्रकरणी पुणे पोलिसांचे तपास अधिकारी अशोक गंधले यांनी सांगितले की, यावेळी शाळेत हे सत्र सुरू होते. मुलीने हा सर्व प्रकार तिच्या शिक्षकाला सांगितला आणि त्यानंतर शिक्षकाने पोलिसांना बोलावून संपूर्ण प्रकरण सांगितले. जेव्हा हे प्रकरण उघडकीस आले तेव्हा सर्व आवश्यक प्रोटोकॉल लक्षात घेऊन POCSO कायद्यांतर्गत गुन्हा दाखल करण्यात आला. सध्या याप्रकरणी मुलीच्या आईचा जबाबही नोंदवला जाणार आहे.