नदीत आढळला तरुणाचा  मृतदेह .

अमरावती / नवप्रहार मीडिया नेटवर्क

             जिल्ह्यातील घुईखेड येथील चंद्रभागा नदीत तरुणाचा मृतदेह आढळल्याने खळबळ माजली आहे.पोलीस संभाव्य दृष्टिकोनातून घटनेचा तपास काईत आहेत.

अमरावती जिल्ह्यातील घुईखेड येथील चंद्रभागा नदीत एका युवकाचा  मृतदेह आढळलं आहे. या युवकाची हत्या करून नदीत फेकल्याचा प्रथमदर्शी अंदाज वर्तविण्यात येत आहे. अकबर अली जब्बार अली (वय ३५, रा. पुलगा) असे मृत तरुणाचे नाव आहे.

याबाबतची माहिती मिळताच पोलिसांनी तात्काळ घटनास्थळी धाव घेत मृतदेह ताब्यात घेतला आहे. या घटनेने परिसरात एकच खळबळ उडाली असून तळेगाव दशासर पोलीस अधिक तपास करत आहेत. या तरुणाची हत्या कोणी व का केली? ही हत्या आहे की आत्महत्या अशा अनेक प्रश्नांचे उकल करण्याचे मोठे आव्हान पोलिसांसमोर आहे.