यवतमाळ वार्ता
अरविंद वानखडे
संपूर्ण राज्यातील जिल्हा परिषदांमध्ये मेगा भरती राबवली जात असतानाच यवतमाळ जिल्हा परिषदेमध्ये सुद्धा 875 जागा भरणार आहेत. गेल्या अनेक वर्षांपासून जिल्हा परिषदेची भरती रखडली होती. अनेक बेरोजगार हवालदिल झाले होते. आता या शासनाच्या निर्णयामुळे सुशिक्षित बेरोजगारांच्या मनामध्ये एक नवा उत्साह निर्माण झालेला आहे. भरती प्रक्रिया दिनांक 5 ऑगस्ट पासून सुरू झाली असून शेवटची तारीख 25 ऑगस्ट अशी आहे. या पदभरतीमुळे युवकांच्या नोकरीचे स्वप्न साकार होण्यास मदत मिळणार आहे उमेदवारांना याकरिता ऑनलाइन अर्ज सादर करण्यात येणार आहे त्यासाठी अधिकृत वेबसाईटची निर्मिती करण्यात आलेली आहे.
विशेष म्हणजे उमेदवारांना राज्यातील कोणत्याही जिल्हा परिषदेमधील रिक्त पदासाठी अर्ज सादर करता येणार आहे. आवश्यक पात्रता संबंधी जिल्हा परिषदेच्या संबंधित विस्तृत माहिती उपलब्ध आहे. तरी सर्व सुशिक्षित बेरोजगारांनी या संधीचा फायदा घ्यावा असे आव्हान करण्यात येत आहे.
