डॅम मध्ये 12 लोकांना घेऊन जाणारी बोट बुडाली पण …..

डॅम मध्ये 12 लोकांना घेऊन जाणारी बोट बुडाली पण …..

            पावसाळ्यात लोक  निसर्गरम्य ठिकाणी जाऊन नैसर्गिक परिस्थितीचा मनमुराद आनंद लुटतात. काही धबधबे अथवा वाटरफॉल जवळ जाण्यास मनाई असतांना देखील त्याच्या जवळ फक्त जातच नाही तर तेथे आंघोळ सुद्धा करतात. अश्या ठिकाणी तेथील दगडांवर असलेल्या शेवळामुळे पर्यटकांचा पाय घसरून त्यांचा मृत्यू झाल्याची घटना घडतात. तसेच तलाव अथवा डॅम मध्ये बोटिंगचा आनंद लुटण्याचा मोका देखील सोडण्याचा मोह पर्यटकांना आवरता येत नाही. असेच बोटिंग चा आनंद लुटणाऱ्या पर्यटकांची बोट उलटल्याची घटना भंडारदरा डॅम मध्ये घडली आहे. या घटनेचा व्हिडीओ सध्या सोशल मीडियावर तुफान व्हायरल होत आहे.

व्हायरल होत असलेला व्हिडिओ भंडारदरा डॅममधला असल्याचं बोललं जात आहे. या घटनेमध्ये पर्यटकांसहित बोट बुडाल्याचं दिसत आहे. एका पर्यटकाने आपल्या मोबाईलमध्ये ही घटना कैद केली आहे. तर या दुर्घटनेत बोटही पाण्यात बुडाल्याचं दिसत आहे. दरम्यान, बोट निघाल्यानंतर सर्व पर्यटक खूश दिसत आहेत. तर एक पर्यटक मोबाईलमध्ये शूट करताना दिसत आहे. या सगळ्याचा आनंद घेण्यात व्यस्थ दिसत आहेत. मात्र त्यांचा हाच आनंद जास्त काळ टिकू शकला नाही. पुढच्याच क्षणी संपूर्ण पाणी बोटीत जाऊन बोट उलटी होते. सर्व पर्यटकही बोटीसोबत बुडू लागतात. यामध्ये पर्यटकांच्या किंचाळण्याचा आवाज येत आहे.

बोट निघाल्यापासून ही घटना फक्त २० सेकंदात घडली आहे. तर ही थरारक घटना कॅमेऱ्यात कैद झाली आहे. राहुल बोरोले नावाच्या एका युवकानं हा व्हिडीओ त्याच्या सोशल मीडिया अकाऊंटवर शेअर केला आहे. राहुल आणि त्यांच्या जोडीदारांनी यावेळी या सर्व प्रवाशांना वेळीच मदत करुन सुखरुप बाहेर काढलं. मात्र अशाप्रकारे पर्यटकांनी पोहता येत नसेल तर आपला जीव धोक्यात घालू नये असं आवाहन करण्यात आलं आहे. ही घटना ५ दिवसांपूर्वी घडली आहे. हा व्हिडीओ व्हायरल होत असून नेटकऱ्यांनीही यावर प्रतिक्रिया दिल्या आहेत. अशा प्रकारे पाण्याशी खेळणं, रिस्क घेणं किती महागात पडू शकते हे हा व्हिडीओ पाहून लक्षात येत आहे.