अन त्याने चक्क त्याला बोनेट वरून 1 किमी फरफटत नेले

नोएडा / नवप्रहार वृत्तसेवा 

               सोशल मीडिया प्लॅटफॉर्म वर अनेक व्हिडीओ व्हायरल होत असतात.पण या प्लॅटफॉर्म वर असा व्हिडीओ व्हायरल होत आहे की तुम्ही देखील तो पाहून या व्यक्तीत माणुसकी उरली किंवा नाही असेच म्हणाल.या व्हिडिओत एक कार चालक त्याच्या कार च्या बोनेट वरून एका माणसाला फरफटत  नेट असतांना दिसत आहे,.

नोएडामधून एक धक्कादायक घटना समोर आली आहे. दोन कार चालकांचा शुल्लक कारणांवरुन वाद झाला दरम्यान वाद खूप वाढल आणि एकानं दुसऱ्याला कारच्या बोनेटवरुन एक किलोमीटरपर्यंत फरपटत नेलं. या कारचा व्हिडीओ समोर आल्यावर पोलीसांनी या व्यक्तीला अटक केली. नोएडाच्या गढी चौखंडी भागात बुधवारी रात्री ९.३० च्या सुमारास दोन कारमध्ये टक्कर झाली. त्यावरून दोन्ही गाड्यांच्या चालकांनी एकमेकांशी वाद घालण्यास सुरुवात केली. हल्ली शुल्लक गोष्टींवरुन वारंवार वाद होण्याच्या घटनांमध्ये वाढ झाली आहे. याचमुळे कधी कधी निष्पाप बळी जातात.

@singhshakti1982 नावाच्या ट्विटर अकाऊंटवर हा व्हिडीओ शेअर करण्यात आला आहे. २२ सेकंदांचा हा व्हिडीओ व्हायरल होताच लोकांनी यावर संताप व्यक्त केला. पोलिसांनीही या व्यक्तीवर कारवाई केली आणि त्याला अटक केलीय. तसेच त्याची कारही जप्त करण्यात आली आहे.