पती चे सुने सोबत संबंध, सासूचा विरोध ; विष देऊन मारले 

मुख्य म्हणजे मुलाची देखील होती या गोष्टीला  सहमती 

जमूई (बिहार )/ नवप्रहार डेस्क 

                       पतीचे सुने सोबत असलेल्या अवैध संबंधाला विरोध करणे सासूला चांगलेच महागात पडले. पती, मुलगा आणि सुनेने तिला विषदेऊन संपवल्याचा आरोप मय्यत महिलेच्या मुलीने केला आहे.

        या अजिब घटनेबद्दल अधिक माहिती अशी की बलराज यादव आणि संपतीया देवी यांना एक मुलगा आणि मुलगी होती. मुलीचे लग्न होऊन ती सासरी गेली. मुलाच्या लग्नानंतर सून घरी आली. पण सासरा आणि सुनेत अनैतिक संबंध झाले. या संबंधाला संपतीया देवी विरोध करत होती. त्यामुळे तिला पती, मुलगा आणि सून मारहाण करत होते .

         त्यामुळे ती आपल्या मुलीकडे निघून जातं होती. ती जेव्हा जेव्हा घरी यायची तेव्हा तेव्हा तिला हा प्रकार दिसला की तिला राग यायचा आणि तिचे मुलगा, सून आणि पती सोबत भांडण व्हायचे. तेव्हा हे तिघे मिळून तिला मारहाण करायचे. त्यानंतर ती आपल्या मुलीकडे जायची. यावेळी ती जेव्हा घरी आली तेव्हा तिने पुन्हा तो प्रकार पहिला.

              पुन्हा त्यांच्यात भांडण झाले. यावेळी त्यावर तिघांनी तिला कथित रित्या विष देऊन तिला ठार केले. आणि तिने विष प्राशन केल्याचा बनाव केला. पण मुलीने यावर आक्षेप घेत माझ्या आईने विष घेतले नाही तर तिला पाजण्यात आले असा आक्षेप घेतला. यानंतर पती, मुलगा आणि सून फरार झाले आहेत.

संपतिया देवी आपल्या पती व सुनेमधील अनैतिक संबंधांना विरोध करत होती. तिचे पती बलदेव यादव यांचे आपले सुनेसोबतच अनैतिक संबंध होते. याबाबत ती आपल्या नातेवाईक व गावकऱ्यांना सांगत होती.

 महिलेच्या मुलीने ही हत्या असल्याची तक्रार पोलिसात केली आहे. वडील, भाऊ आणि वहिनी यांनी मिळून आईला विष पाजून ठार केल्याचा आरोप मृत संपतिया देवी यांची मुलगी ललिता हिने केला आहे. मुलीने सांगितले की, जेव्हा तिने या अवैध संबंधाला विरोध केला तेव्हा तिच्या आईला मारहाण करण्यात आली. अनेक वेळा तिला जेवणही दिले जात नव्हते. आईला विष पाजून मारले असून घरातील सर्व लोक पळून गेले आहेत. गेल्या १० वर्षापासून सासरा व सुनेमध्ये अवैध संबंध आहेत.