स्पर्धेत १५ शाळा, ५५ शिक्षक व २५० विद्यार्थ्यांचा सहभाग
दवलामेटी, ता. १० :
दवलामेटी येथील जि.प.उच्च प्राथमिक शाळेत जि.प. वाडी केंद्रस्तरीय क्रीडा स्पर्धा व सांस्कृतिक स्पर्धा मंगळवार ९ जानेवारी रोजी पार पडली.
क्रीडा स्पर्धेचे उद्घाटन व क्रीडा ध्वजारोहण जि.प. सदस्य तथा माजी शिक्षण व अर्थ समीती सभापती भारती पाटील यांच्या हस्ते करण्यात आले. कार्यक्रमाच्या अध्यक्षस्थानी दवलामेटीच्या उपसरपंच अर्चना चौधरी होत्या. तर प्रमुख पाहूणे म्हणून पं.स. सदस्य रेखा वरठी, माजी सरपंच तथा ग्रा.पं. सदस्य रिता उमरेडकर, ग्रामविकास अधिकारी शिवाजी नागरगोजे, ग्रा.पं. सदस्य सतीश खोब्रागडे, शैलेश खोब्रागडे, साधना शेंदरे, छाया खिल्लारे ,रक्षा सुखदेवे, शाळा व्यवस्थापन समिती उपाध्यक्ष अजय शेंडे, शिक्षक अरुण कराळे,शिक्षण विस्तार अधिकारी शरद भांडारकर प्रामुख्याने उपस्थित होते. क्रीडा व सांस्कृतिक स्पर्धेमध्ये एकूण १५ शाळेतील ३०० विद्यार्थी तर ५५ शिक्षक उपस्थित होते. क्रीडा व सांस्कृतिक स्पर्धेमध्ये सांघिक वरिष्ठ गटामध्ये कबड्डी मुले वाडी ,मुली दवलामेटी (टोली ) ,खो -खो मुले वाडी ,मुली दवलामेटी, लंगडी स्पर्धेत वाडी रिलेरेस मुले ,श्रमिक नगर मुली वाडी, लोकनृत्य कनिष्ठ डिफेन्स हिंदी तर समूहगीत व वरिष्ठ गटातील लोकनृत्य दवलामेटी जि.प.शाळेने बाजी मारली.वैयक्तिक स्पर्धेमध्ये श्रमिक नगर व सुराबर्डी जि.प.शाळा अव्वल ठरल्या. सांस्कृतीक स्पर्धा व क्रीडा स्पर्धासाठी परिक्षक व पंच म्हणून अरुण कराळे, आरती भोरे , वंदना मुसळे यांनी जबाबदारी सांभाळली. यावेळी वाडी केंद्रातील जि.प. शाळेतील सेवानिवृत्त शिक्षकांचा सत्कार करण्यात आला.प्रास्ताविक समुह साधन केंद्राचे केंद्रप्रमुख तथा क्रीडा व सांस्कृतिक स्पर्धेचे आयोजक शरद भांडारकर यांनी केले. संचालन शिक्षिका मंजुषा काकडे व प्रिया नंदेश्वर यांनी तर उपस्थितांचे आभार मुख्याध्यापक रामेश्वर थोटे यांनी मानले. बक्षीस वितरण कार्यक्रमात उपस्थित मान्यवरांच्या हस्ते विद्यार्थ्यांना बक्षीस वितरीत करण्यात आले.आयोजनासाठी मुख्याध्यापक रामेश्वर थोटे, शिक्षिका सीमा महल्ले, कांचन मेश्राम ,मंजुषा काकडे ,अनिता जावळकर तसेच डिफेन्स हिंदी माध्यमच्या मुख्याध्यापिका प्रियदर्शनी मोंदेकर ,अर्चना महाजन तर केंद्रातील उच्च श्रेणी मुख्याध्यापक रजनी चौधरी, संजय नागरे , कल्पना राजुरकर , पुरुषोत्तम चिमोटे , सुरेश सांबारे , राजेश तेलंगराव , विजय बरडे, दिपक धुडस, रुपेश भोयर , तसेच वाडी केंद्रातील जि.प. शाळेतील मुख्याध्यापक, शिक्षक यांनी सहकार्य केले.
