दोन तरुण बेनाम कंपनी आणि जवळपास 900 कोटींचा फ्रॉड 

बेंगळुरू ( कर्नाटक) / नवप्रहार मीडिया नेटवर्क 

                         हिंदीत एक म्हण आहे  ‘ जन तक बेवकूफ जिंदा है, अक्लमंद भूखे नही मरते ‘ त्याच गोष्टीचा प्रत्यय सतत होणाऱ्या ऑनलाइन फ्रॉड च्या माध्यमातून येतोय . ऑनलाइन फ्रॉड करणारे जनतेला आमिष देऊन आपल्या जाळ्यात ओढतात.लाखो रुपये गेल्यानंतर नागरिकांच्या त्यांना मूर्ख बनवून लुटल्याचे पक्षात येते. यातील काही लोक लाजे खातर तक्रार करीत नाही तर पाही शुल्लक लोक आता आपली रक्कम तर परत मिळणार नाही पण तरीही तक्रार द्यायला काय हरकत आहे या मानसिकतेने तक्रार देतात.

अश्यच एका तक्रारी वरून आयकर विभागाने टाकलेल्या धाडीत त्यांना 854 कोटी रु.मिळाले.एका 26 वर्षीय तरुणीने पोलिसांत साडेआठ लाख रुपयांची फसवणूक झाल्याची तक्रार दाखल केली होती. कमी गुंतवणुकीच्या बदल्यात जास्त पैसे मिळवून देण्याचे आमिष तिला दाखवण्यात आले होते. मुलीच्या तक्रारीनंतर पोलिसांनी तपास सुरू केला. पोलिस तपासादरम्यान हे फसवणुकीचे जाळे भाड्याच्या घरातून चालवले जात असल्याचे समोर आले. श्रीनिवास आणि फणींद्र, सोशल मीडियाद्वारे लोकांची फसवणूक करायचे. चांगला परतावा देण्याचे आमिष दाखवून हे दोघेही लोकांना फसवत असे. या दोघांनी आतापर्यंत हजारो लोकांना आपले बळी बनवले होते        .

मनोज श्रीनिवास(MBA, 33 वर्षे) आणि फणींद्र(सॉफ्टवेअर इंजिनिअर, 36 वर्षे), या सायबर फसवणुकीतील दोन तरुणांची नावे आहेत. या दोघांनी बिना नावाची एक कंपनी उघडली आणि कंपनीत दोन तरुणांना कामावर ठेवले. त्यांना 8 मोबाईल फोन रात्रंदिवस सुरू ठेवण्याचे काम दिले होते. सप्टेंबरमध्ये बंगळुरू सायबर क्राईम पोलिसांनी मनोज आणि फणींद्र यांच्यासह 6 जणांना अटक केली.

बंगळुरूमधील सायबर क्राईम पोलिसांनी त्यांच्या नेटवर्कचा तपास केला तेव्हा त्यांना कळले की, गेल्या दोन वर्षांत या लोकांनी 84 बँक खात्यांद्वारे 854 कोटी रुपयांचे व्यवहार केला आहे. सप्टेंबरमध्ये पोलिसांनी बँक खाती शोधून गोठवली. यादरम्यान बँक खात्यात फक्त 5 कोटी रुपये शिल्लक होते, तर 854 कोटी रुपये गेमिंग अॅप्स, USDT सारख्या क्रिप्टोकरन्सी, ऑनलाइन कॅसिनोसह अनेक ठिकाणी ट्रांसफर केले गेले होते. पोलिसांनी दिलेल्या माहितीनुसार, या फसवणुकीचे मुख्य नेटवर्क दुबईतून कार्यरत होते. याप्रकरणी पोलिसांचा अधिक तपास सुरू आहे.