स्वयंचलित दाराने केला घात ; घरात लागलेल्या आगीत तिघांचा जळून मृत्यू 

कानपूर / नवप्रहार डेस्क 

                    दिवाळी हा दिव्यांचा सण आहे. दिवाळीत फटाके देखील फोडले जातात. त्यामुळे या सणाच्या दिवसात आगीच्या घटना घडतात. दिव्यामुळे लागलेल्या आगीत पती – पत्नी आणि मोलकरिणीचा होरपळून मृत्यू झांल्याची दुर्दैवी घटना दिवाळीच्या दिवशी कानपूर मध्ये घडली. या घटनेमुळे परिसरात हळहळ व्यक्त करण्यात येत आहे. संजय श्याम दासानी (48), पत्नी कनिका दासानी (42) आणि मोलकरीण छवी चौहान (24) अशी मृत्यू झालेल्यांची नावे आहेत

पूजा केल्यानंतर व्यापारी पती-पत्नी दिवे लावल्यानंतर झोपले होते. तेव्हाच देवघरातील एका दिव्याला आग लागली. काही वेळातच आगीने उग्र रूप धारण केले. यानंतर पती-पत्नी बेडरूममधून बाहेर पडू शकले नाहीत. वाचवण्यासाठी गेलेल्या मोलकरणीचाही मृत्यू झाला. व्यापाऱ्याचा मुलगा पार्टीवरून परतला तेव्हा त्याला घरातून धूर निघताना दिसला. त्याने आरडाओरड करून जवळच्या लोकांना बोलावले. माहिती मिळताच अग्निशमन दलाचे पथकही पोहोचले. आग विझवल्यानंतर पती, पत्नी आणि मोलकरणीला बाहेर काढून रुग्णालयात नेण्यात आले. तेथे डॉक्टरांनी तिघांनाही मृत घोषित केले.

स्वयंचलित दरवाजाने घात केला

कानपूर पोलिसांनी दिलेल्या माहितीनुसार संजय श्याम दासानी (48), पत्नी कनिका दासानी (42) आणि मोलकरीण छवी चौहान (24) अशी मृत्यू झालेल्यांची नावे आहेत. त्यांची अंबाजी फूड्स नावाची कंपनी आहे. त्यांचा बिस्किटांचा कारखानाही आहे. व्यापारी संजय श्याम दासानी हे पत्नी, मुलगा आणि मोलकरणीसह पांडू नगरमध्ये राहत होते. घर तीन मजली आहे. गुरुवारी रात्री त्यांनी पत्नीसह दिवाळी पूजन केले. जेवण झाले. नंतर खोलीत झोपायला गेले. मोलकरीणही तिच्या खोलीत जाऊन झोपली. देवघरातील दिवा जळत होता. रात्री उशिरा दिव्यातून आग लागली. पत्नीला वाचवण्यासाठी मोलकरीण खोलीत गेली. आगीमुळे तिघांचाही मृत्यू झाला. अपघाताच्या वेळी व्यावसायिकाचा मुलगा हर्ष घरी उपस्थित नव्हता, असे कुटुंबीयांनी सांगितले. दिवाळीनिमित्त तो मित्रांसोबत पार्टीला गेला होता. रात्री उशिरा परतले असता घरातून धूर निघत असल्याचे दिसले. त्यांनी आसपासच्या लोकांना आणि पोलिसांना याची माहिती दिली.

स्वयंचलित दरवाजा बंद होता

ज्या ठिकाणी आग लागली त्या बेडरूमपासून पहिल्या मजल्यापर्यंतच्या संपूर्ण परिसरात लाकडी काम असल्याचे फॉरेन्सिक टीमच्या तज्ज्ञांनी सांगितले. यामुळे आगीने काही क्षणातच संपूर्ण खोलीला कवेत घेतले. दुसऱ्या बाजूला एक स्वयंचलित दरवाजा होता, जो गरम झाल्यावर लॉक झाला होता, त्यामुळे पती-पत्नी बाहेर पडू शकले नाहीत. खोलीतच त्याचा मृत्यू झाला.

मोलकरीण सहा महिन्यांपासून काम करत होती

मोलकरणी छवीची दिव्यांग आई सुनीता रडत हॉस्पिटलमध्ये पोहोचली. माझी मुलगी परत करा असे ती वारंवार सांगत होती. सुनीताने सांगितले की, आम्ही नानकरी येथे राहतो. छवीला दोन भाऊ आणि एक बहीण आहे. कुटुंबाचे जवळचे अमित खत्री म्हणाले की, संजय श्याम दासानी यांचा मुलगा त्याच्या मित्राच्या घरी पार्टीला गेला होता. दिव्यामुळे घराला आग लागली असून घरात धुराचे लोट भरल्याने पती, पत्नी व मोलकरीण यांचा मृत्यू झाल्याचा संशय व्यक्त करण्यात येत आहे. घरी दिवाळी साजरी करून मुलगा मित्राच्या घरी गेला होता, त्यामुळे त्याचा जीव वाचला.