नोएडा / विशेष प्रतिनिधी
बँड, डिजे अथवा असा समकक्ष आवाज आला की त्या दिशेने धावत सुटणे ही लहान बालकांची सवय. त्याला देखील तशीच सवय असल्याने तो बाल्कनीत वडिलांसोबत लग्नाची वरात पाहत होता. इतक्यात बंदुकीची गोळी येऊन त्याला लागली.त्यात तो जखमी झाला आणि उपचारादरम्यान त्याचा मृत्यू झाला.
चिमुकला त्याच्या वडिलांसोबत बाल्कनीत बसून लग्नाची वरात पाहत होता. दरम्यान वरातीत असलेल्या एका व्यक्तीनं हवेत गोळी झाडली. ती थेट चिमुकल्याला लागली. त्यात तो गंभीर जखमी झाला. त्याला रुग्णालयात दाखल करण्यात आलं. पण त्याचा जीव वाचू शकला नाही. पोलिसांनी या प्रकरणात दोघांवर गुन्हा दाखल केला आहे.
