महावितरण च्या लाईनस्टाफ कामगारांच्या प्रश्नांवर आजाद मैदान, मुंबई येथे प्रचंड धरणा आंदोलनाचे आयोजन

तब्बल दोन महिणे झुलवत ठेवून तोडगा न काढल्यामुळे आंदोलन

मनोहर मुरकुटे अंजनगांवसुर्जी

महाराष्ट्र राज्य विद्युत मंडळाची कंपनी असलेली महावितरण कंपनीमध्ये कार्यरत असलेल्या लाईन स्टाफ कामगारांच्या प्रलंबीत प्रश्नांसाठी महाराष्ट्र राज्य लाईनस्टाफ बचाव कृती समितीने महावितरण च्या संचालक ,अध्यक्षतथा ए.डी. यांचे बरोबर सकारत्माचर्चा करुणही त्यांनी दोन महीणेपर्यत झुलवत ठेऊन कोनतेही संघटनेचे मान्य केलेले मुद्दे मार्गी न लावल्याने महावितरणच्या विरोधात येत्या सोमवार दि.११रोजी आजाद मैदान, मुंबई येथे प्रचंड धरणा आंदोलनाचे माध्यमातून रणशिंग फुंकण्याचे जाहीर केले आहे. महाराष्ट्र राज्य लाईनस्टाफ बचाव कृती समितीच्या वतीने महाराष्ट्र राज्य वीज तांत्रीक कामगार संघटना, वीज कर्मचारी, अधिकारी, अभियंता सेना, बहूजन विद्युत अभियंता अधिकारी फोरम, म. रा. स्वतंत्र बहूजन वीज कर्मचारी संघटना, म.रा. स्वाभिमानी विद्युत वर्कर्स युनियन, इलेक्ट्रिसिटी लाईनस्टाफ असोशिएशन, म. रा. नवनिर्माण वीज कामगार सेना, तांत्रीक कामगार युनियन, क्रांतीकारी लाईनस्टाफ सेना, यासह लाईनस्टाफ अभ्यास गटाचे पदाधिकारी यांच्या कृती समितीच्या वतीने कंपनी प्रशासनास -महावितरण कंपनीतील वर्ग ४ च्या लाईनस्टाफ कामगारांची एन्ट्री पोस्ट कायम ठेऊन शैक्षणिक अर्हता प्राप्त लाईनस्टाफ कामगारांना वर्ग ३ मध्ये वर्ग करण्यात यावे,विद्युत मंडळ असतांना आस्तित्वात असलेले पदे कारागीर अ, ब, व क मिटर टेस्टर ग्रेड १/२/३ केबल जॉइंटर, तारमार्ग निरीक्षक, तारमार्ग बांधकाम कार्यदेशक, व इतर पदे पुन्हा बहाल करण्यात यावीत,लाईनस्टाफ कर्मचारी यांचे कामाचे तासाचे निश्चिती, ग्रामिण भागातील लाईनस्टाफला रात्रपाळी भत्ता,कामाचे स्वरूप निश्चिती, तांत्रीक कामगारांना स्वतंत्र वेतन श्रेणी,पेट्रोल भत्त्यामध्ये वाढ ,वीज बिल वसुलीची जबाबदारी निश्चिती, व रु.५०००/- च्या आतिल थकबाकीदारांचीच वसुली,सुरक्षा साधने व मेन्टनन्स करिता योग्य ते साहित्य पुरविने,कंत्राटी कामगार न ठेवता सरळ सेवा भरती माध्यमातून नोकरभरती या व ईतर लाईनस्टाफ कामगारांच्या जिव्हाळ्याच्या प्रश्नांसाठी आंदोलन नोटीस दिली या नोटीसवर संचालक यांच्या पातळीवर दोन वेळा आणि अध्यक्ष तथा एम. डी. यांच्या समवेत एक बैठक संपन्न झाली व सकारात्मक चर्चा करण्यता आल्यावर कृती समितीस तब्बल दोन महिणे झुलवत ठेऊन मान्य केलेले मुद्दे देखील महावितरने परिपत्रक काढून मार्गी लावले नसल्यामुळे क्रमबध्द आंदोलना नुसार दि.११ डिसेंबर रोजी आजाद मैदान येथे धरणा आंदोलनाचे आयोजन करण्यात येणार असल्याचे कृती समितीच्या वतीने कळविण्यात आले असुन या पुर्वीही कृती समितीच्या वतीने नोटीस,पहिल्या आणि दुसऱ्या टप्प्यात मंडळ आणि परिमंडळ कार्यालयासमोर व्दारसभांचे आयोजन, कंपनीचे सिम कार्ड परत करणे, वीज बिल वसुली बंद करणे, स्वतःचे वाहन वापरणे बंद करणे ईत्यादी आंदोलनात्मक मार्गाचा अवलंब करुण सुद्धा लाईनस्टाफ कामागारांचे प्रश्नावर वितरण कंपनी मागण्या मान्य करीत नसल्याने महाराष्ट्र राज्य लाईनस्टाफ बचाव कृती समितीच्या वतीने दि.११ /१२/ २०२३ रोजी आजाद मैदान येथे प्रचंड धरणा आंदोलनाचे आयोजन केले असुन,या धरणा आंदोलनासाठी राज्यभरातून जवळपास १४ ते १५ हजार लाईन स्टाफ कामगारांची उपस्थिती राहील अशी माहिती कृती समितीच्या घटक संघटनांचे पदाधिकाऱ्यांनी प्रसिध्दीस दिलेल्या पत्रकाव्दारे दिली असुन,आंदोलनात प्रचंड संख्येने सहभागी होण्याचे आवाहन केले आहे.