महिलेने प्रेमास दिला नकार तर तरुणाने केला असा प्रकार

याबाबत मिळालेली माहिती अशी की, प्रतिमा प्रमोद यादव असं खून झालेल्या महिलेचं नाव आहे. महिलेचा पती प्रमोद यादव यांनी रावेत पोलीस ठाण्यात य़ा प्रकरणी तक्रार दाखल केलीय. तर आरिफ झुल्फइकार मल्लिक (वय २१ वर्षे) याला अटक करण्यात आलीय. पोलिसांनी सांगितले की, प्रमोद यादव यांचे कुटुंब रावेतमधील फेलिसिटी सोसायटीत राहते. त्यांना तीन मुलेही आहेत. प्रमोद आणि त्यांची पत्नी प्रतिमा सोसायटीत हाउसकीपिंगचे काम करत होते. तर आरोपी प्लंबिंगची कामे करायचा

सोसायटीमध्ये प्रतिमा या काम करत असताना आरिफने त्यांच्याकडे मोबाईल नंबर मागितला. तसंच प्रेमसंबंधाबाबत विचारणा केली. यावर प्रतिमा यांनी नकार देत पती आणि पोलिसांना याबाबत सांगणार असल्याचं म्हटलं. यानंतर रागाच्या भरात आरिफने प्रतिमा यांचा गळा आवळळा. त्यानंतर मारहाण केली. प्रतिमा यांना भिंतीवर ढकलून दिलं. यात प्रतिमा यांना गंभीर दुखापत झाली आणि त्यांचा मृत्यू झाला.