ग्राम कुरळी, पो. स्टे वरूड येथील पेट्रोलपंप दरोडा प्रकरणातील आरोपी तात्काळ जेरबंद

 स्थानिक गुन्हे शाखा व पो.स्टे. वरूड पोलीसांची संयुक्त कारवाई

अमरावती ग्रामिण जिल्हयातील पो.स्टे. वरूड हद्दीतील ग्राम कुरळी येथील वरूड-कुरळी मार्गावरील श्री. रामेश्वर नागदीवे, रा. वरूड यांचे मालकीचे इंडीयन आईल चे पेट्रोलपंपवर दि.१७/०९/२०२४ चे मध्यरात्री अज्ञात ५-६ आरोपीतांनी पेट्रोलपंपवर कॅबिन मध्ये खिडकीच्या मार्गे प्रवेश करून आतमध्ये झोपलेले पेट्रोलपंपावर काम करणारे ०३ लोकांना मारहाण करून त्यांचे हातपाय बांधुन तेथील लोखंडी कपाट तोडुन नगदी ५,३२,३७९/- रू.चा दरोडा टाकला होता. घटनेचेवेळी स्वतः हजर असलेले व पेट्रोपपंपवर काम करणारे शंकर संपतराव दंडाळे, रा. मेंढी, ता. वरूड, जि. अमरावती यांनी दिलेल्या तक्रारी वरून पो.स्टे. वरूड येथे दरोडयाचा गुन्हा नोंद करण्यात आला आहे.

घटनेचे गांभिर्य पाहता श्री. विशाल आंनद, भा.पो.से., पोलीस अधिक्षक, अमरावती ग्रामिण यांनी पो.स्टे. वरूड व स्थानिक गुन्हे शाखा येथील अधिकारी व अमंलदार यांना सदर गुन्हयातील आरोपीतांचा त्वरीत शोध घेवुन गुन्हा उघडकीस आणण्याबाबत निर्देशित केले होते. गुन्हा उघडकीस आणणेकामी पो.स्टे. वरूड व स्था.गु.शा. येथील पोलीस अधिकारी व अमंलदार यांचे ०४ संयुक्त पथके तयार करून घटनेबाबत सविस्तर माहीती संकलीत करणे सुरू केले तसेच उपलब्ध तांत्रीक पुराव्याचे आधारे पेट्रोपंपवर काम करणारे व घटनेचेवेळी प्रत्यक्ष हजर असलेल्या इसमांना विचारपुस केली असता पेट्रोपंपवर काम करणारा आरोपी नामे प्रशिक सुभाष दंडाळे, वय २६, रा. कुरळी यांचे कथनात वेळो वेळी विसंगती आढळुन येत असल्याने त्यास विश्वासात घेवुन विचारपुस केली असता त्याने त्याचा सहभाग सदर गुन्हयात असल्याची कबुली दिली.

सदर पेट्रोलपंप वरील पेट्रोल/डिझेल विक्रीची रक्कम दररोज बँकेत जमा करण्यात येत असते. पंरतु दि.१४/९/२०२४ ते १६/०९/२०२४ असे सलग ०३ दिवस बँकेला सुट्टी असल्याने तिन दिवसांची रक्कम ही पेट्रोलपंपवरील कपाटातच असल्याची बाब पंपावर काम करणारा आरोपी प्रशिक दंदाळे याने हेरली होती वरून त्याने त्याचे इतर ०४ साथीदार यांचे संगणमताने कट रचुन तसेच पेट्रोलपंपवर येण्याचा, आत शिरण्याचा मार्ग तसेच पेट्रोलपंपावरचा विद्युत प्रवाह बंद करण्याचे बटन, पंपवरील सि.सि.टी.व्ही. कॅमेरा ई. इत्यंभुत माहीती त्याने त्याचे साथीदारांना दिली. त्यांनी मध्यरात्री दरम्यान जेव्हा प्रशिक हा पंपावर काम करणारे इतर व्यक्ती बरोबर झोपला असतांना दरोडा टाकण्याची योजना आखली होती व त्याप्रमाणे इतर ०४ आरोपी नामे १) मयुर राजकुमार ठाकरे, वय २१,२) सुरज ऊर्फ सुधिर प्रभाकर घोरपडे, वय २०,३) डिग्या ऊर्फ दिगंबर श्यामराव राऊत, वय २२ सर्व रा., रा.सुरळी, ता. वरूड व ०१ फरार साथीदार यांनी पेट्रोलपंपचे कॅबिनचे खिडकीतून आत प्रवेश केला व फिर्यादी तसेच सोबतचे इसमांचे हातपाय बांधुन सदर दरोडयाचा गुन्हा करून नगदी रक्कम चोरून नेल्याचे निष्पन्न झाले आहे. वर नमुद आरोपीतांना अटक करून आरोपी नामे सुरज ऊर्फ सुधिर प्रभाकर घोरपडे याचे ताब्यातुन चोरी गेलेल्या रक्कमेपैकी ८२,०००/- रू. जप्त करण्यात आले आहेत. गुन्हयातील अन्य ०१ फरार आरोपी अटक व गुन्हयात चोरी गेलेली रक्कम हस्तगत करण्याची कारवाई करण्यात येत असुन पुढील तपास वरूड

पोलीस करित आहेत.

सदरची कारवाई श्री.विशाल आनंद, भा.पो.से. पोलीस अधिक्षक, अमरावती ग्रा., श्री. पंकज कुमावत, भा.पो.से., अपर पोलीस अधिक्षक, अमरावती ग्रा. यांचे मार्गदर्शनात पो.नि.श्री. किरण वानखडे, श्री. अवतारसिंग चव्हाण, पो.उप.नि. श्री. नितीन चुलपार, श्री. नितीन इंगोले, श्री. दिपक दळवी पो. अमंलदार राजु मडावी, बळवंत दाभणे, गजेन्द्र ठाकरे, सुनिल महात्मे, रविन्द्र बावणे, भुषण पेठे, सचिन मिश्रा, सुधिर बावणे, शकील चव्हाण, निलेश डांगोरे, सै. अजमत, पंकज फाटे, अक्षय शेळके, प्रशांत राजस, मनोज टप्पे, सचिन भगत, किरण दहीवडे यांचे पथकाने केली आहे.